Маркум Айдананын туугандары шектүүнү жазага тартуу талабын коюшуп, жол тосууга аракет кылышты

Жалал-Абад облусунун Базар-Коргон районуна караштуу Акман айылынын тургуну — киши колдуу болгон 19 жаштагы Айдана Алмазбек кызынын жакындары бүгүн, 21-ноябрда экинчи ирет шектүүнүн үйүнүн алдына чогулушту. Бул тууралуу Turmush басылмасынын кабарчысы билдирди. Маркумдун жакындары Сузак районуна караштуу Сасык-Булак айылына келишти. Алар шектүүнүн үйүн түрттүрүп, өзүн камоодон сырткары катуу жаза берүүнү талап кылышты. Сасык-Булак айылынын тургундары да буга чейин шектүүдөн кооптонуп жашап келишкенин айтып чыгышты. https://www.turmush.kg/news:483470