設計一隊入則 AI agent：邊幾步一定要 AP 拍板｜香港入則流程（虛構培訓項目）

點樣設計一隊 AI agent 幫手行香港入則個 loop：交圖，收 BD 意見信，改圖，再交。同埋邊幾步一定要由認可人士（AP）拍板。 呢條片用一個虛構培訓項目示範：地點、地段、編號、日期同 BD 意見信全部係虛構，係我哋自己寫嘅練習，從未遞交屋宇署。法例同作業備考係真嘅。 片入面乜嘢係真，乜嘢係示範： ・真實錄影：畫圖 agent 喺 2026 年 11 月 1 日真係行過一次，約 95 秒畫晒成套圖 ・實際輸出：嗰套圖則喺 11 月 4 日改咗虛構名重出，只改名，數字不變 ・真實覆核報告：課程練習入面嘅報告，覆核嘅係較早嘅草稿（10 月 19 日） ・作者自檢：自己查自己，唔係獨立覆核，亦唔係屋宇署批准 ・示範架構：統籌、修改申請、意見信追蹤、法規查詢、表格整理等 agent 仲係設計，未建成 ・機械人係 3D 動畫角色，代表 agent 嘅分工 我唔係認可人士。片入面嘅「AP」係一個角色：決定同簽名嘅人。所有決定同簽署都係 AP 嘅事。呢條片係教學示範，唔係法律或專業意見。 章節 0:00 開場 0:39 幾個角色 1:13 入則地圖 1:49 一個 agent + 一份 skill 3:17 加專家：覆核 4:33 數啱都可以錯 6:02 修改申請同 BD 信 loop 7:40 統籌、閘口、批咗之後 8:53 最後講多樣嘢：PDF 定 BIM 9:21 結尾：講返限制 相關細節同出處 入則地圖 ・城規會第 16 條申請：收到後兩個月內考慮，有三個星期公眾意見期（城規會指引） ・地契修訂應該喺正式入則之前處理（認可人士作業備考 ADM-2 附錄 C 第 4 段） ・入則前查詢：屋宇署通常 45 日內回覆，屬行政承諾，唔係法定時限（ADM-19 第 4-5 段） ・屋宇署向立法會提供嘅數字：2022-23 年新建築項目，去到首次批准一般建築圖則平均大約 130 日、大約交兩次，未計 AP 改圖時間（PL083） 時鐘同 BD 意見信 ・新入則或重大修訂 60 日；唔係重大修訂嘅重新提交 30 日（PL083；ADM-2 第 8(b) 段） ・第 45 日，AP 可以問屋宇署基本上收唔收得（ADM-2 第 8(a) 段） ・撤回再交要書面講理由，一般每份最多兩次（ADM-22） ・只有涉及基本問題嘅負面意見先會成為不批准理由（ADM-2 第 4-5 段） 修改申請同面積 ・修改申請用 BA16 表格，每條規例一張，連理據；屋宇署有證據清單（ADM-2 第 10-12 段及附錄 E） ・每份申請獨立考慮，以往批過唔算先例（《建築物條例》第 42(2) 條） ・好多寬免要業主簽承諾書（ADM-2 附錄 E） ・批出會用 BD106 附條件，條件要一路跟到完工（ADM-2 第 13-14 段） ・GFA 量到外牆外面；垃圾房等必要機房可以按《建築物（規劃）規例》第 23(3)(b) 條不計（APP-2；APP-35 第 7 段） ・綠色同設施寬免連非必要機房，上限係總 GFA 一成（APP-151 第 4 段） ・BEAM Plus 文件未交就申請上蓋動工，寬免會被撤銷（APP-151 第 7(c) 段） 批咗之後 ・2023 年 3 月 31 日之後首次入則（或重大修訂）嘅新樓，一般建築圖則分三期批：首批、上蓋動工前、入伙前（ADM-19 第 14-19 段） ・動工同意書每個階段申請一次（BA8），法定處理期 28 日（ADM-19 第 39(c) 段；APP-97） ・屋宇署只係精簡審查基本問題，其餘責任喺 AP（ADM-19 第 6-13 段及附錄 A） PDF 定 BIM ・而家香港用 BIM 入則仍然係輔助：屋宇署鼓勵用 BIM，但 BIM 只作參考資料，以圖則為準（屋宇署 BIM 網頁） ・屋宇署暫定時間表：2027 年中強制電子入則，2029 年強制交 BIM 圖則同 BIM model；係「暫定」，之後未見確認（屋宇署 2024 年通訊；立法會 2024 年 4 月文件） ・片入面右邊嗰張表，係呢個虛構項目 model 本身嘅房間表同設計表數據（面積、門闊），唔係人手打嘅 第二意見工具 ・屋宇署有免費 BIM 檢查工具：面積、潔具、消防、建築物間距，可以攞嚟做第二意見（屋宇署 BIM 網頁） 想喺自己間則樓寫第一張 skill card：anzonwong.com