黎彼德別人世家屬追思會緬懷 好友紛出席阿Sam拍片念「最佳拍檔」

黎彼德別人世家屬追思會緬懷 好友紛出席阿Sam拍片念「最佳拍檔」 鬼馬填詞人 兼 資深演員 黎彼德 上月病逝，家屬星期日於佢曾任校董嘅一所中學舉行追思會，現場展出佢過往所獲嘅填詞獎項，亦以紀念冊分享昔日生活點滴。佢嘅兒子 黎樹德 、姪子等家人到場，唔少好友 鍾志光 陳友 吳雨 郭鋒 余安安 孫慧雪 ，仲有《愛．回家》嘅拍檔 單立文 樊亦敏 同 陳浚霆 許家傑 同 林淑敏 ，羅樂林 張彥博 等都有出席。 大家逐一分享同Peter嘅回憶，而出心出力嘅鍾Sir，就指拍《愛．回家》嘅空檔假期，就會一齊飲茶嘆咖啡，仲聽Peter分享好多昔日嘅有趣故事，可惜往後只能回憶。而豹哥就直指Peter過往作品任何香港人隨口都唱得出，對香港影響大鉅大，認為佢功勞不可抹殺，係樂壇非常重要嘅前輩，至於林淑敏同許家傑亦指Peter哥非常親切。 大會現場播放黎彼德嘅昔日片段，當中亦包括往昔合作無間嘅 許冠傑 ，阿Sam自彈自唱拍攝，形容Peter係自己嘅「最佳拍檔」，以《這一曲送給你》遙祭故友。 #黎彼德 #鬼馬填詞人 #追思會 #校董 #生活點滴 #黎樹德 #鍾志光 #陳友 #吳雨 #郭鋒 #余安安 #孫慧雪 #單立文 #樊亦敏 #陳浚霆 #許家傑 #林淑敏 #羅樂林 #張彥博 #許冠傑 #這一曲送給你 #最佳拍檔 #TVB #娛樂新聞 #TVB娛樂新聞台 #ENews #HKENews #香港娛樂八卦新聞 #八卦新聞 即刻Follow TVB 娛樂新聞台 Facebook專頁   / tvbenews   登入myTV SUPER享受睇TVB自製節目7日包括娛樂新聞的免費點播 https://bit.ly/2TXLlM0