Khit Thit Evening News | 30 August 2026

Khit Thit သတင်းဌာန၏ ဩဂုတ် ၃၀ ရက် ညနေပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ ဩဂုတ် ၃၀ ရက် ညနေပိုင်း တင်ဆက်ပေးမယ့် သတင်းတွေကတော့ -အကြမ်းဖက်စစ်ကောင်စီက စစ်မှုထမ်းအပတ်စဉ် ၂၈ အတွက် လိုအပ်တဲ့ တပ်သားသစ်အရေ အတွက် ပြည့်မီခြင်းမရှိသဖြင့် ရန်ကုန်၊ မန္တလေးနဲ့ စစ်ကိုင်းတိုင်းအတွင်းရှိ မြို့တွေမှာ လူငယ်တွေကို နေ့ညမရွေး ပေါ်တာဆွဲ ဖမ်းဆီးခေါ်ဆောင်မှုတွေ အလွန်များပြားနေပြီး အပြင်ထွက်သွားရာက ပျောက်ဆုံးသွားသူတွေ လည်း များပြားလာနေတယ်လို့ ဒေသခံတွေနဲ့ မိသားစုဝင်တွေဆီက သိရှိရပါတယ်။ ဧရာဝတီတိုင်းထဲက မြစ်ရေကာတာနဲ့ တာတမံအချို့မှာ ကျိုးပေါက်ပျက်စီးနိုင်တဲ့ စိုးရိမ်ရတဲ့ အခြေ အနေမှာ ရှိနေပေမယ့်လည်း တာတမံတွေ ကြံ့ခိုင်မှုရှိစေရေးအတွက် မိုးရာသီကုန်ဆုံးမှသာ ဆက်လက် ပြုပြင်လုပ်ဆောင်သွားမယ်လို့ စစ်တပ်လက် အောက်ခံ ဧရာဝတီတိုင်းဝန်ကြီးချုပ် အေးကျော်က ပြောဆိုပါတယ်။ ချင်းပြည်နယ်၊ တွန်းဇံမြို့နယ်အတွင်းရှိ စစ်ကောင်စီနဲ့ ပူးပေါင်းလှုပ်ရှားနေတဲ့ Zomi Revolutionary Army-Eastern Command (ZRA-EC) ရဲ့ နတ်ဇံကင်းစခန်းကို ချင်းဒေသကာကွယ်ရေးတပ်ဖွဲ့ CDF-Tonzang က ဝင်ရောက်တိုက်ခိုက်သိမ်းပိုက်ခဲ့တယ်လို့ CDF-Tonzang က သတင်းထုတ်ပြန်ပါတယ်။ အမေရိကန်နဲ့ စစ်ပွဲဖြစ်ပွားလာတာ ၆ လကျော်လာတဲ့အချိန်မှာ အီရန်ခေါင်းဆောင်တွေက စစ်ပွဲကြောင့် နိုင်ငံ့စီးပွားရေးအပေါ် ထိခိုက်မှုတွေ အကြီးအကျယ်ရှိနေပြီဆိုတာ ဝန်ခံပြောဆို လာတဲ့ သတင်းအပါအဝင် ညနေခင်းသတင်းတွေကို တင်ဆက်ပေးပါမယ်။