خناقة الصلاة كل يوم 💔

المشهد ده بيحصل في بيوت كتير جدا. بتسألي ابنك: "صليت؟" بيرد في نفس اللحظة بدون تردد: "اه صليت". وانتي من جواكي عارفة إنه بيكدب ومصلاش ولا حاجة. الخناق بيبدأ، الزعيق بيزيد، والإحساس بالعجز كأم أو أب خايفين على دين ولادهم بيكسر القلب. بس إحنا محتاجين نقف ثانية ونسأل نفسنا: هو بيعمل كده ليه؟ فين المشكلة الحقيقية؟ وإيه المفسدة الأكبر هنا؟ في ديننا العظيم، درء المفاسد مقدم على جلب المصالح. مفسدة إننا نضغط على طفل لحد ما ندفعه إنه يكدب وينافق في علاقته بربنا، ويربط الصلاة دايما بالخناق والزعيق، دي كارثة أكبر بكتير من مصلحة إنه يصلي دلوقتي حالا بالعافية وهو لسه أصلا غير مكلف. إحنا كده بنكسر فطرته عشان بس نرضي إحساسنا كآباء إننا "عملنا اللي علينا". لو طفلك عنده ADHD، الموضوع بيكون أعمق بكتير. مخه مش بيعاندك، هو بس عنده حاجة اسمها "عمى الوقت" (Time Blindness). مفيش في قاموسه حاجة اسمها مكافأة آخر الأسبوع، هو عايز دوبامين ومكافأة دلوقتي حالا. ولما بيكدب، هو بس خايف من الخناق أو عايز يخلص. كمان النقلة (Transition) من إنه يسيب اللعب ويروح يتوضى بماية باردة ويفرش السجادة، بتبقى عاملة زي الجبل الثقيل على مخه. إزاي نحلها من غير ما نخسر ولادنا؟ أول حاجة، لازم نقفل باب الكدب ده تماما. من النهارده ممنوع تسأليه "صليت ولا لأ؟" لأنك كده بتحطيه في زاوية وبتجبريه يكدب. بدل دي، قوليله: "وقت الصلاة جه، يلا بينا نتوضى ونصلي سوا". شاركيه الفعل، صلي معاه وخليه هو الإمام، سهلي عليه الوضوء على قد ما تقدري، وادي له مكافأته فورا بعد الصلاة. الدين يسر، بلاش نحول الصلاة لساحة حرب يومية بنخسر فيها علاقتنا بيهم وعلاقتهم بربنا. بالحب، والمشاركة، وفهم طبيعة مخهم، هيحبوا الصلاة من قلبهم ومش هيحتاجوا يكدبوا أبدا. ربنا يجعل أولادنا من مقيمين الصلاة يا رب..🤍🤲 بحبكم في الله ❤️ أخوكم أنس ━━━━━━━━━━━━━━━ لو الفيديو ده لمس وجع جواك أو فادك، شاركه مع حد محتاج يسمعه. ------------------------------------------------ 🔔 اشترك في القناة عشان يوصلك كل جديد 👍 لايك لو الفيديو أفادك بحبكم في الله جميعاً و ربنا يحقق أحلامكم يا أحبابي ❤️ أخوكم أنس تابع عزة هنا: ‪@azzahalayouby‬ 🧠 انضم لمجتمع ADHD: 📱 واتساب (قناة) 👈 https://whatsapp.com/channel/0029VbCe... ✈️ تيليجرام (قناة) 👈 https://t.me/anaskhalifa_adhd 👥 فيسبوك (مجموعة) 👈   / anaskhalifa   السوشيال ميديا: 🔹 الانستجرام 👈   / anaskhalifa1983   🔹 التيك توك 👈   / anaskhalifa1983   🔹 الفيسبوك (صفحة شخصية) 👈   / anaskhalifa1983   #ADHD #الدواء_لـ_ADHD #تجربة_شخصية #الصحة_النفسية #مشاركة_التجارب #البدائل_للدواء #التعامل_مع_ADHD #تفاعل_وشارك #الصحة_العقلية #فحص_الصحة_النفسية #تقديم_المشورة #توعية_صحية #رعاية_الصحة_النفسية #اشتراك_الآن #تنمية_الذات #التحسين_الشخصي