‎من بره سلام.. ومن جوه محاكمة عسكرية

‎إمبارح نزلت بوست طويل عن الإحساس ده، وبناءً على طلبكم، وعشان أنا عارف وحاسس بإن كتير مننا (وأنا أولكم) تركيبة الـADHD بتخليه مش قادر يقرأ نصوص طويلة أو تركيزه بيقع بسرعة.. عملت الفيديو ده عشانكم. فضفضة من القلب للقلب. ‎الصورة دي من سنين في السويد. من بره كان شكلي هادي وفي سلام، بس من جوه، دماغي كانت بتعملي “محاكمة عسكرية”. إحساس دائم بإنك فاشل، وإنك قليل، مهما عملت. تركيبة قاسية جداً بين الـADHD وترسبات صدمات قديمة (Trauma) بتخليك دايماً بتجلد ذاتك. ‎الإحساس ده بيفكرني بمقولة للإمام ابن عطاء الله السكندري بتنور البصيرة: ‎“إذا أردت أن تعرف مَقَامَك عند الله، فانظر فيما أقامك”. ‎إحنا اتربينا نقيس مقامنا عند ربنا بشكل سطحي. بس مين قال إن المقام العالي معناه إنك تكون قاعد في هدوء تام ومفيش أي مشاكل في حياتك؟ ‎إيه رأيك إن ممكن يكون ربنا “أقامك” في وسط معركة طاحنة جوه دماغك.. وإنت لسة بتعافر؟ ‎٥٠ نافذة مفتوحة في نفس الثانية، أفكار بتخبط في بعض، ومشاعر بتطلع وتنزل من غير إنذار. مجرد إنك تصحى من النوم، وتمسك أعصابك عشان متأذيش حد من أهل بيتك بكلمة وإنت مضغوط ومستنزف.. دي في حد ذاتها معركة عظيمة. ‎يا حبيبي، الله سبحانه وتعالى هو العدل الخبير. ربنا مش بيحاسب اللي بيحارب اكتئاب حاد، أو قلق شديد، أو تشتت انتباه، أو ضغوط حياة طاحنة.. بنفس المسطرة اللي بيحاسب بيها واحد قاعد مرتاح ومفيش حاجة معكرة صفو حياته. ‎ممكن يكون أقامك في مقام الصبر على مرض نفسي محدش شايفه. ‎ممكن يكون أقامك في مقام المحاولة بعد ألف فشل. ‎ممكن يكون أقامك في مقام إن قلبك مكسور، ورغم كده لسة بتبكي في الضلمة وتقول “يا رب”. ‎فأرجوك.. بلاش نظرة الاحتقار للنفس دي. بلاش تصدق الصوت اللي بيقولك إن ربنا غضبان عليك. بص لنفسك بعين الرحمة زي ما ربنا بينظر ليك. إنت بتحاول، وربنا شايف المحاولة.. وده كفاية. ‎بحبكم جدا في الله يا حبايبي..❤️ ‎أخوكم أنس ━━━━━━━━━━━━━━━ ‎لو الفيديو ده لمس وجع جواك أو فادك، شاركه مع حد محتاج يسمعه. ------------------------------------------------------ 🔔 اشترك في القناة عشان يوصلك كل جديد 👍 لايك لو الفيديو أفادك بحبكم في الله جميعاً و ربنا يحقق أحلامكم يا أحبابي ❤️ أخوكم أنس تابع عزة هنا: ‪@azzahalayouby‬ 🧠 انضم لمجتمع ADHD: 📱 واتساب (قناة) 👈 https://whatsapp.com/channel/0029VbCe... ✈️ تيليجرام (قناة) 👈 https://t.me/anaskhalifa_adhd 👥 فيسبوك (مجموعة) 👈   / anaskhalifa   السوشيال ميديا: 🔹 الانستجرام 👈   / anaskhalifa1983   🔹 التيك توك 👈   / anaskhalifa1983   🔹 الفيسبوك (صفحة شخصية) 👈   / anaskhalifa1983   #ADHD #الدواء_لـ_ADHD #تجربة_شخصية #الصحة_النفسية #مشاركة_التجارب #البدائل_للدواء #التعامل_مع_ADHD #تفاعل_وشارك #الصحة_العقلية #فحص_الصحة_النفسية #تقديم_المشورة #توعية_صحية #رعاية_الصحة_النفسية #اشتراك_الآن #تنمية_الذات #التحسين_الشخصي