AEMMC Dietsche Aundacht - Jesus Halpt Aule - Lukas 7:1-10 - Septamba 6, 2026

Jesus Halpt Aule - Lukas 7:1-10 - Septamba 6, 2026 Em Lukas Evangelium es emma wada de Froag: “Wäa es dit?” Wie haben en de latste Wäakjen jeseenen daut Jesus Har es, daut hee Macht haft äwa aules, de beese Jeista, de Natua, Krankheit, un wautemma daut noch jeft. Dan es eenjemol de Froag: “Wudd dis groota Har sikj kjemren om soone waut nich goot aunjeseenen sent? Daut jeft mank aule Menschen soone dee daut aun Help fält. Jesus moakt kjeen Unjascheet tweschen veschiedne Raussen, oame un rikje, oole un junge, goode un schlajchte. Wan irjent eena no Help frajcht, es hee doa toom dee halpen. Wie wellen vondoag noch eenmol 3 Wunda beseenen, un seenen woo Jesus eenje soone waut von Menschen foaken nich goot aunjeseenen woaren, halpt, un woo wie doavon lieren kjennen woo wie dise Menschen behaundlen sullen. Prädja Abe Harder