ဒီးမော့ဆိုမြို့နယ်၊ ဒေါငံခါးရွာအနီးစစ်တပ်နဲ့ ကရင်နီတပ်ဖွဲ့တို့ တိုက်ပွဲဖြစ်ပြီး ဒေသခံတွေ ထွက်ပြေးရ

28 JULY 2026 ကရင်နီပြည်နယ်၊ ဒီးမော့ဆိုမြို့နယ်၊ဒေါငံခါးရွာအနီး စစ်တပ်နဲ့ ကရင်နီပူး​ပေါင်းတပ်ဖွဲ့ တို့ တိုက်ပွဲ ဖြစ်ခဲ့လို့ ဒေသခံတွေ ထပ်မံထွက်ပြေးတိမ်းရှောင်နေကြရပါတယ်​။ ဇူလိုင် ၂၇ ရက် နံနက်ပိုင်းမှာ ငွေတောင်အခြေစိုက် ခလရ (၁၀၂) တပ်ရင်းမှ ထွက်လာတဲ့ စစ်တပ် စစ်ကြောင်း နဲ့ ကရင်နီပူး​ပေါင်းတပ်ဖွဲ့ တို့ တိုက်ပွဲ​ဖြစ်ခဲ့တာလို့ ဒေသခံတွေက ဆိုပါတယ်။ဒါအပြင် ဒေသခံတွေ တိမ်းရှောင်ဖို့အတွက်ကရင်နီပူး​ပေါင်းတပ်ဖွဲ့မှ ရဲဘော်တွေက ကူညီပေးနေတယ်လို့ သိရပါတယ်။ ဒါ့အပြင် စစ်တပ်ကလေကြောင်း၊လက်နက်ကြီး နဲ့ ဆက်တိုက် ပစ်ခတ်​နေလို့ ဒေါငံခါးရွာ အနီးက ကာကင်းတချို့က​​နေ ကရင်နီပူး​ပေါင်းတပ်ဖွဲ့​တွေ ဆုတ်ခွာထားရတယ်လို့ သိရပါတယ်။ ဇူလိုင်လ ဒုတိပတ်အတွင်း ဒေါငံခါးရွာအနီးတိုက်ပွဲ မှာ ကရင်နီတော်လှန်ရေး တပ်ပေါင်းစုဘက်က ရဲဘော် ၆ ဦး ကျဆုံးခဲ့ပါတယ်။ ဒေါငံခါးရွာက လွိုင်ကော်–ဒီးမော့ဆိုလမ်းဆုံနှင့် မိုးဗြဲ–နန်းမယ်ခုံ–ဒီးမော့ဆို လမ်းပိုင်းပေါ်မှာရှိပြီး စစ်တပ်စခန်း​တွေကို ဆက်သွယ်ဖို့ အ​ရေးကြီးတဲ့ ​​နေရာ တစ်ခုဖြစ်ပါတယ်​။ ဒါ့အပြင် မိုးဗြဲမြို့နယ် အနောက်ခြမ်းကို စစ်တပ်နဲ့ PNO ပြည်သူ့စစ် ပူးပေါင်းအဖွဲ့က စစ်ကြောင်းထိုးလာလို့ ဒေသခံ တွေအနေနဲ့ အသွားအလာသတိထားဖို့ မိုးဗြဲ PDF က သတိပေးထားပါတယ်။ ရုပ်သံ-KNDF Battalion-07 #whatishappeninginmyanmar #mnonews #pdf MNO NEWS Youtube Channel ကို Subscribe လုပ်ခြင်းဖြင့် အချိန်နှင့်တစ်ပြေးညီ သတင်းများကို ကြည့်ရှုနိုင်ပါသည်။ အောက်ပါ့လင့်များမှလည်း သတင်းများ ကြည့်ရှုနိုင်ပါသည်။ Website- www.mnonews.com Facebook-   / 1amgqiqdtk   Youtube-   / @mno-news