IBC பாஸ்கரன் ரீச்சாவில் உணவு மோசடி குழந்தைகள் பட்டினி

றீச்சா உணவு மோசடி சட்ட நிவாரணம் தேவை ... றீச்சாவில் உணவு விவகாரம் – பணத்தால் பசியை ஈடு செய்ய முடியுமா? றீச்சாவில் அதிகளவான மக்கள் வருகை தந்த நிலையில், அனைவருக்கும் போதுமான உணவு வழங்கப்படவில்லை என்றும், உணவுக்காக பெரியவர்களிடம் ரூ.3,000, சிறுவர்களிடம் ரூ.2,000 அறவிடப்பட்டதாகவும், உணவு போதுமான முறையில் வழங்கப்படவில்லை என்றும் மக்கள் வினசம் அடைந்து ஊடகங்களில் கூறிவருகிறார்கள் மேலும், அங்கு விற்பனை செய்யப்படும் சில பழங்களில் Formalin (போமலின்) பயன்படுத்தப்படுவதாகவும் பாராளுமன்ற உறுப்பினர் அர்ச்சுனா இராமநாதன் தெரிவித்துள்ளார். அவர் குற்றஞ்சாட்டியுள்ளார். இக்குற்றச்சாட்டுகள் சம்பந்தப்பட்ட அதிகாரிகளால் முறையாக விசாரிக்கப்பட வேண்டியவை. உணவு தரம் சரியில்லை எனக் கூறுபவர்களுக்கு பணத்தைத் திருப்பிக் கொடுப்பதாகக் கூறுவது மட்டுமே போதுமா? ஒரு குழந்தையின் பசியை ரூ.2,000-ஆல் ஈடு செய்ய முடியுமா? ஒரு குடும்பத்தின் அவமானத்தையும், ஏமாற்றத்தையும் பணத்தால் ஈடு செய்ய முடியுமா? அதுமட்டுமல்லாமல், முன்னரே உணவு உண்டவர்கள் உணவை வீணடித்ததாகவும் கூறப்படுகிறது. ஒருபுறம் உணவு கிடைக்காமல் மக்கள் காத்திருக்கும்போது, மறுபுறம் உணவு வீணாகுவது மிகவும் கவலைக்குரிய விடயம். இது வெறும் பணத்தைத் திருப்பிக் கொடுக்கும் பிரச்சினை அல்ல. இது மக்களின் உரிமை, உணவின் தரம், குழந்தைகளின் பாதுகாப்பு மற்றும் பொதுமக்களின் நம்பிக்கை தொடர்பான பிரச்சினை. உணவு தரமற்றதாக இருந்தது அல்லது பொதுமக்களுக்கு தவறான முறையில் சேவை வழங்கப்பட்டது என்பது ஆதாரங்களுடன் நிரூபிக்கப்பட்டால், சம்பந்தப்பட்டவர்கள் மீது சட்டரீதியான நடவடிக்கை எடுக்கப்பட்டு, பாதிக்கப்பட்டவர்களுக்கு உரிய நட்டஈடு வழங்கப்பட வேண்டும். அவ்வாறு சட்டரீதியாக நட்டஈடு கிடைத்தால், அதை தனிப்பட்ட பயனுக்காக வைத்துக்கொள்வதைவிட, வறுமையில் வாடும் போராளி குடும்பங்கள், மாவீரர் குடும்பங்கள் மற்றும் உணவுக்காகவே போராடும் ஏழைக் குடும்பங்களுக்கு வழங்குவது ஒரு மனிதாபிமானமான முன்னுதாரணமாக அமையலாம். பசியின் வலியை பணத்தால் அழிக்க முடியாது. ஆனால், அந்தப் பணம் இன்னொருவரின் பசியை தீர்க்க முடியும். 👉 இந்த விவகாரம் தொடர்பாக உண்மை என்ன என்பதை சம்பந்தப்பட்ட அதிகாரிகள் வெளிப்படையாக மக்களுக்கு அறிவிக்க வேண்டும்.