శ్రీకృష్ణుడు చూపించిన భక్తియోగంలోని 5 మెట్లు | మనం ఏ మెట్టు మీద ఉన్నాం? |

మనస్సు నిరంతరం భగవంతునిపై నిలపడం కష్టమని భావించే సాధకుల కోసం, భగవద్గీత 12వ అధ్యాయంలో (1 నుండి 12 శ్లోకాలు) శ్రీకృష్ణ పరమాత్ముడు అనుగ్రహించిన ఐదు మెట్ల భక్తి ప్రయాణాన్ని ఈ వీడియోలో సవివరంగా తెలుసుకుందాం . ఒక్కసారిగా అగ్రస్థానానికి చేరాల్సిన అవసరం లేకుండా, మన ప్రస్తుత స్థితిని బట్టి ఏ మెట్టు నుండి ప్రయాణం ప్రారంభించవచ్చో కృష్ణుడు సూచించాడు : మొదటి మెట్టు (ధర్మబద్ధమైన సకామ కర్మ): మన అవసరాల కోసం దేవుణ్ణి అడగడం . కానీ ఇందులో ధర్మాన్ని పాటించడం మరియు ఫలితాన్ని ఈశ్వర ప్రసాదంగా స్వీకరించడం నేర్చుకోవాలి . రెండవ మెట్టు (నిష్కామ కర్మయోగం): "దేవుడు నాకు ఏమి ఇస్తాడు" అనే స్థాయి నుండి "నేను భగవంతుని కోసం ఏమి చేయగలను" అని ఆలోచిస్తూ, మనం చేసే పనులన్నింటినీ ఈశ్వరార్పణ భావంతో చేయడం . మూడవ మెట్టు (ఏకరూప ఈశ్వర ఉపాసన): ఇష్టదేవత జపం, ధ్యానం మరియు అభ్యాసయోగం ద్వారా భగవంతునితో సమయం గడపడం . నాలుగవ మెట్టు (విశ్వరూప ఈశ్వర దర్శనం): భగవంతుణ్ణి ఒకే రూపానికో లేదా గుడికో పరిమితం చేయకుండా, ఈ విశ్వమంతా ఈశ్వరుని వ్యక్తీకరణే అని గుర్తించడం . ఐదవ మెట్టు (జ్ఞాన ప్రధాన భక్తి): "అసలు భగవంతుడు ఎవరు? నేను ఎవరు?" అని శ్రవణం, మననం, నిదిధ్యాసనం ద్వారా పరమాత్మ తత్త్వాన్ని తెలుసుకోవడం . మనం ఆధ్యాత్మికంగా ఎదుగుతున్నామో లేదో తెలుసుకోవడానికి మనం ఎన్ని గంటలు ధ్యానం చేశామనేది కాకుండా, మనలో పట్టుదలలు, రాగద్వేషాలు తగ్గి ప్రశాంతత (శాంతి) పెరుగుతోందా లేదా అనేది ప్రమాణమని కృష్ణుడు స్పష్టం చేశాడు #BhagavadGita #bhaktiyoga #SriKrishna #bhagavadgitateluguslokas #BhaktiYoga5Steps #spiritualgrowth #GitaSaram #TeluguSpiritualTalks #bhagavadgitachapter12 #SelfImprovement #TeluguDevotional #Hinduism #KrishnaTeachings #MindControl #InnerPeace .