روتيني اليومي في تحضير قهوة الأسبريسو

السلام عليكم جميعاً, لقيتكم مهبيّن قلت خلّي نحكيلكم على تحضير الأسبريسو, للحصول على افضل شوت وبنفس الجودة كل مرّة ضروري تكون صارم صرامة حارس سجن القولاج في أقاصي سيبريا ودقيق كدقّة مسبار ويب لإكتشاف غور الكون السحيق, من اربع سنوات تقريباً دخلت " جحر الارنب Rabbit Hole" امتاع تحضير قهوة الاسبريسو بشكل يدوي رد بالك من التوماتيكي وكامل في البيت (مزال لكن ما خشيتش على التحميص), الرحلة ممتعة وفيها قوستوا مش عادي, في الاول حتتعقد وتقول اني شن جابني للزنقر, لكن بعد ما تزبط النعتة يا باب معاش حتشري ولا حتتذوق ولا حتستطعم اي قهوة ولا حتى في ديلا روما والا اشبح شن اسمها, تخيل يا برادر اتدير كبتشيونك المفضل في حوشك وامتى ما تبّي وبالكيفيّة اللي تبيها من تسخينة الحليب ورغوته لتركيز القهوة و طعمتها, اوبا! المهم هذا روتيني اليومي ونصيحة لكل عشّاق الاسبريسو عوّل على ماكينة حتّى نص عمر وابدا مثلاً بـ Breville Barista Express طقطق بيها واني معاكم, توكبير 😅