အကုန်လုံး စုစုစည်းစည်း ဖြစ်နေဖို့ကို ‘မာနယ်ပလော’ကနေ သင်ခန်းစာ ရရှိတယ်

အကုန်လုံး စုစုစည်းစည်း ဖြစ်နေဖို့ကို ‘မာနယ်ပလော’ကနေ သင်ခန်းစာ ရရှိတယ် ….. ကရင်အမျိုးသားအစည်းအရုံး KNU ရဲ့ ဌာနချုပ်ဟောင်း ဖြစ်ခဲ့ပြီး၊ ၁၉၈၈ခုနှစ်နောက်ပိုင်း တော်လှန်ရေးအင်အားစုအသီးသီးရဲ့ ခိုလှုံရာ၊ စုစည်းရာနေရာ ဖြစ်ခဲ့တာကြောင့် သမိုင်းအစဉ်အလာ ကြီးမားခဲ့တဲ့ မာနယ်ပလောဒေသကို နှစ်ပေါင်း ၃၀အကြာမှာ KNU က ပြန်လည်သိမ်းပိုက်နိုင်ခဲ့ပါတယ်။ ကရင်ပြည်နယ်၊ ဘားအံခရိုင်ထဲက မာနယ်ပလောဌာနချုပ်ကို လက်စဖျောက်ချင်တဲ့ စစ်တပ်ဟာ KNU ထဲက ဗုဒ္ဓဘာသာကိုးကွယ်တဲ့ ကရင်တွေနဲ့ ခရစ်ယာန်ဘာသာဝင်တွေကြားမှာ ဘာသာရေးပဋိပက္ခတွေဖြစ်အောင် ဖန်တီးခဲ့ပါတယ်။ အဲ့ဒီနောက် KNU တပ်ဖွဲ့ဝင်တချို့ဟာ တိုးတက်သော ဗုဒ္ဓဘာသာ ကရင်အမျိုးသားတပ်မတော်(DKBA) အဖြစ် ခွဲထွက်သွားခဲ့ကြပါတယ်။ ၁၉၉၄ခုနှစ်မှာတော့ DKBA နဲ့ စစ်တပ်တို့ ပူးပေါင်းပြီး ထိုးစစ်ဆင်ခဲ့တာကြောင့် KNU ဟာ မာနယ်ပလောကို လက်လွှတ်ခဲ့ရပါတယ်။ ဒါကြောင့် မာနယ်ပလော သင်ခန်းစာကိုယူပြီး အချင်းချင်းစိတ်ဝမ်းမကွဲဘဲ စည်းစည်းလုံးလုံး၊ ညီညီညွတ်ညွတ်နဲ့ တက်ညီလက်ညီ လုပ်မယ်ဆိုရင် လက်ရှိ နွေဦးတော်လှန်ရေးဟာလည်း ခပ်မြန်မြန် အောင်မြင်နိုင်တယ်လို့ KNU ရဲ့ ဗဟိုအမြဲတမ်းကော်မတီဝင် ပဒိုစောသမိန်ထွန်းက ပြောပါတယ်။ မာနယ်ပလော ဆိုတာ ဘယ်နေရာမှာ ရှိတာလဲ၊ မာနယ်ပလောမှာ ဘာတွေဖြစ်ခဲ့သလဲ၊ မာနယ်ပလော ပြိုကွဲဖို့ စစ်ထောက်လှမ်းရေးတွေ ဘယ်လိုသွေးခွဲခဲ့သလဲဆိုတာ အဲ့ဒီအခြေအနေတွေကို ကိုယ်တိုင်ကြုံတွေ့ခဲ့တဲ့ ပဒိုစောသမိန်ထွန်း ကို Myanmar Now က ဆက်သွယ်မေးမြန်းထားပါတယ်။ မေးမြန်း- စောရယ်