許美琪 Meikee｜從蘇格蘭出發的歌手夢：比賽之後，正式走上自己的音樂路｜Moon’s Talk | 阿Moon聊天室 第一位嘉賓 #中年好聲音4 

Moon’s Talk 之《阿Moon聊天室》第一集，我喺Glasgow同許美琪 Meikee坐低傾咗成個下午。 從蘇格蘭出世長大、由細鍾意唱歌，到參加歌唱比賽，再正式展開自己嘅歌手旅程——今次想同大家認識多一點舞台以外嘅許美琪。 大家可能因為《中年好聲音4》認識Meikee，但今次我更加想傾嘅，係比賽鏡頭以外嘅佢：喺蘇格蘭長大嘅生活、中文學校、音樂喜好、比賽選歌、一路以來對唱歌嘅想法，以及比賽之後，正式踏上歌手路嘅心情同未來方向。 今次亦係我同美琪第一次真正面對面見面。好多謝佢趁住返蘇格蘭短短嘅時間，都爽快答應同我坐低慢慢傾。雖然係第一次見，但由坐低開始已經完全冇陌生感，成個訪問就好似朋友之間傾偈一樣。 當日我仲有機會見到兩位同美琪一齊玩咗好多年遊戲嘅朋友。講到遊戲，順便考下大家對美琪有幾熟： 除咗唱歌之外，佢有一款遊戲原來已經玩咗差唔多10年，大家估唔估到係咩？ 😆 有留意佢IG嘅朋友，可能已經知道答案。 訪問入面亦有一個幾輕鬆嘅小插曲——美琪Fans Club會長暫時要出trip，如果一路支持美琪嘅朋友有興趣幫手做副會長，可以留意片入面美琪自己點講。 Moon’s Talk，由音樂出發，講歌曲、講故事，亦講音樂背後嘅人。 如果你鍾意呢種人物同音樂嘅內容，記得訂閱Moon’s Talk《蘇格蘭的月亮》、俾個Like，同埋留言話俾我知： 今次同美琪傾偈，邊一部分令你最有印象？ 亦記得繼續留意同支持Meikee之後嘅演出同作品。 🎤 Meikee最新動向 Fans Meeting： 2026年10月4日 ｜地點請留意美琪應援會IG Concert： 2026年10月14，15日｜地點：香港伊利沙白體育館 🎥 拍攝小記 今次亦係我第一次正式用DJI Pocket 4完成一個長時間人物訪問。當日現場比預期熱鬧，拍攝、收音同後期剪輯都俾我學到好多實際經驗。 接近個半鐘嘅4K素材，亦令我第一次真正用外置SSD處理整個剪輯workflow。對一個一路學習拍攝同剪片嘅creator嚟講，今次真係一次幾實用嘅實戰體驗。 如果大家都有拍訪問、收音、DJI器材或者4K剪輯心得，歡迎留言同我分享。 Filming setup DJI Pocket 4 Filming location The Willow Tea Rooms, Glasgow The equipment mentioned in this video is my own. This video is not sponsored. #許美琪 #MeikeeHui #阿Moon聊天室 #MoonsTalk #蘇格蘭的月亮 #中年好聲音4 #音樂訪談 #人物訪談 #Glasgow