Арманнан аренаға: AICHI–NAGOYA 2026

Рубрикамыздың кезекті кейіпкері - Жанболат Казиев, пара таеквондодан Қазақстан Республикасының спорт шебері, ұлттық команда спортшысы. Жанболат пара таеквондомен 2017 жылдан бері айналысып келеді. Оған дейін мұнай саласында еңбек еткен спортшы қызмет барысында қолынан жарақат алған. Осыдан кейін өміріндегі жаңа белесті бастап, спортқа келіп, пара таеквондоны таңдады. Жанболат қысқа уақыт ішінде ел чемпионаттары мен Спартакиада жарыстарында жеңімпаз атанып, халықаралық додаларда да жүлделі орындардан көрініп келеді. Бүгінде спортшы AICHI–NAGOYA 2026 Азия Пара ойындарына дайындалып жатыр. Алдағы жарыста бар күшін көрсетіп, ел намысын абыроймен қорғауды мақсат етеді.