Հայր Իմ

Հայր Իմ Անհաղորդ ենք դարձել, մարդի՛կ, Աճուրդներում միշտ վաճառվող... Եվ բթացած՝ այս աշխարհի Պատմության մեջ զուտ թափառող: Կորցրել ենք «մենքն» ու «եսը», Կորել ենք մենք հիմարացած... Մեր գոյության զարկերակը Գումարով է հրապուրված... Վաճառվել ենք ամեն հարցում, Ամեն աստծուն ենք վաճառվել, Հա՛յր իմ, տարված այս աշխարհով՝ Քո մեծ սիրուց ենք հեռացել: Եվ կորել է լույսը այստեղ. Մեղքը մեղքով է ծածկվում, Թե այս անգամ ով կխաչվի, Աշխարհն ինքն էլ չի հասկանում: Ու կգամեն նրանք նորից Նույն ձեռքերով միշտ անաստված, Նույն ձեռքերով, որոնք հետո Աղոթք կանեն, վերև Աստված: Նույն ձեռքերով խաչ կծախեն, Մահ կծախեն նույն ձեռքերով, Արդարության հույսը կորցրած՝ Սեր կծախեն նույն մտքերով... Հա‘յր իմ, նորից ներիր դու մեզ, Էժաններն ենք Քո աշխարհի, Խաչիր նորից մեղքերը մեր. Մեր ձեռքերով Դու մեզ խաչիր… Էս աշխարհից մենք կտանենք Աղոթքները առ Տեր Աստված, Իմաստության զարկը փնտրող, Միշտ ուրացող ու անաստված... Էդ 2024 /05 @հեղինակային իրավոնք