PVTV - ဖြစ်ကြောင်းကုန်စင် အညာတခွင် အပိုင်း (၄၃)

“ အသွင်ကူးပြောင်းရေး လက်မနှေးစေနှင့်. .” ဖြစ်ကြောင်းကုန်စင် အညာတခွင် (၄၃) ဒီတစ်ခေါက် အညာရဲ့ အသွင်ကူးပြောင်းရေးအကြောင်း နိုင်ငံရေးတရား ဖောက်သည်ချရရင်တော့ တော်လှန်ရေးမှာ ကာလသုံးပါးရှိသတဲ့။ ကြားကာလ၊ အသွင်ကူးပြောင်းရေးကာလနဲ့ တိုင်းပြုပြည်ပြု ကာလဆိုပြီး ခွဲပါသတဲ့။ ကြားကာလဆိုတာ တော်လှန်နေဆဲကာလဖြစ်ပြီး အသွင်ကူးပြောင်းရေးကာလကတော့ ကိုယ့်ဘက်က ထိန်းချုပ်ထားနိုင်တဲ့ နယ်မြေတွေမှာ အသွင်ကူးပြောင်းရေးလုပ်ငန်းစဉ်တွေ အသက်သွင်းတဲ့ကာလပါ၊ တိုင်းပြုပြည်ပြုကာလကတော့ အသွင်ကူးပြောင်းပြီးသွားတဲ့ ဖက်ဒရယ်ယူနစ်တွေစုပြီး ဖက်ဒရယ်ဒီမိုကရေစီနိုင်ငံတော်ကြီးကို တည်ဆောက်ကြရမယ့်ကာလရယ်လို့ ဆိုပါသတဲ့။ ဒီအသွင်ကူးရေးလက်တွေ့လုပ်ငန်းစဉ်တွေကို အချိန်မခြားဆောင်ရွက်ကြပါမှ အညာဖက်ဒရယ်ယူနစ်ကြီးကို ကနဦး တည်ဆောက်နိုင်မည်ဖြစ်ပါကြောင်း။ #SpringRevolution #PVTV #WhatHappeninginANYAR