वसईचा ग्रामीण - एक दुय्यम नागरिक | एक षडयंत्र की केवळ एक शंका

वसईचा ग्रामीण एक दुय्यम नागरिक | एक षडयंत्र की केवळ एक शंका वसईच्या ग्रामीण भागातील स्थानिकांना नेहमी दुय्यम वागणूक दिली जाते. मग त्या रस्ते, पिण्याचे पाणी, गटारे, विज यासारख्या सोयी सुविधा असो की इतर काही समस्या समस्यांचे निराकरण असो. माझ्या लहानपणापासून मला नेहमी असं वाटत आलंय की वसईचा हरित पट्टा ज्यात विविध धर्माचे व समाजाचे स्थानिक शेकडो वर्षांपासून गुण्या गोविंदाने एकत्र राहत आहेत त्यांच्या जमिनी साम, दाम, दंड, भेद वापरून कशा बळकावता येतील आणि येथे श्रीमंत लोकांचे कसे बंगले किंवा मोठाल्या इमारती उभारता येतील यासाठी धूर्तपणे कोणीतरी षडयंत्र रचत आहे. गेल्या काही वर्षात स्थानिकांची होणारी हेळसांड आणि त्यांना दिली जाणारी जणूकाही दुय्यम नागरिकत्वाची वागणूक पाहता ही केवळ एक शंका न राहता एक मोठ्ठषडयंत्र आहे यावरच हळूहळू शिक्कामोर्तब होत आहे. गेल्या तीन-चार दिवसांत वसईच्या ग्रामीण भागामध्ये वीज, मोबाईल नेटवर्क, वाय-फाय गायब आहे आणि त्यात भर म्हणून बऱ्याच ठिकाणी पूर परिस्थितीने ग्रामीण भागातील जनजीवन पूर्णतः विस्कळीत झालंय. दुर्दैवाने आमचे नगरसेवक, आमदार, खासदार यांनी याबाबत निदान माझ्या भागात तरी काहीही हालचाल केलेली नाही. स्थानिकांनी आता आपसातील सर्व छोटे-मोठे मतभेद विसरून एक स्थानिक म्हणून एकत्र येऊन आपल्या मूलभूत हक्कांसाठी लोकप्रतिनिधींना आणि प्रशासनाला जाब विचारण्याची वेळ आलेली आहे. धन्यवाद! #vasai #vasaiflooding #vasaivillages #saveharitvasai #vasaimonsoon #sunildmello #vasaivirar #sunildmellovasai #sunildmellovideos #sunildmellomarathi #haritvasai #sunildmellopresentation #marathi