Дзе друкавалі Берасцейскую Біблію і адбываўся антыўнійны сабор?

Палац Чартарыйскіх — толькі адна з назваў гэтага месца ў старым Берасці. За некалькі стагоддзяў тут змяняліся гаспадары, будынкі і іх прызначэнне, а само месца заставалася сведкам важных падзей у гісторыі горада. Верагодна, менавіта тут працавала друкарня, дзе ў 1563 годзе была надрукавана знакамітая Берасцейская Біблія. Тут стаяла першая жылая мураваная камяніца Берасця, у 1596 годзе адбываўся антыўнійны сабор, пазней будынак належаў Сапегам і Чартарыйскім, служыў мытняй і школай. Сёння самога палаца ўжо няма. Але пад зямлёй, магчыма, усё яшчэ захоўваюцца сляды некалькіх стагоддзяў гісторыі Берасця. У новым відэа расказваем гісторыю аднаго месца — ад XVI стагоддзя да знікнення старога горада. Субцітры на польскай і рускай мовах можна ўключыць у наладах відэа. 3D-графіка, AI-генерацыя, мантаж — выканана пры ўдзеле незалежнага спецыяліста. Аўтар ідэі — Мікола Волкаў. Для гістарычнай рэканструкцыі будынка выкарыстаны ілюстрацыі Паўла Татарнікава розных перыядаў. Падбор архіўных матэрыялаў, тэкст — Наталля Зданевіч #visitbrest #visitbrestby #brestdatabase