ಶ್ರೀ ದೇವಿ ನಾರಾಯಣಿಯಂ#27 ನೇದಶಕ #ಶತಾಕ್ಷವತಾರ #ದೇವಿ ನಾರಾಯಣಿಯಂ ಸಂಕ್ಷಿಪ್ತ ರೂಪ

ದೈತ್ಯಃ ಪುರಾ ಕಶ್ಚನ ದುರ್ಗಮಾಖ್ಯಃ ಪ್ರಸಾದಿತಾತ್ಪದ್ಮಭವಾತ್ತಪೋಭಿಃ | ಅವೈದಿಕಂ ವೈದಿಕಮಪ್ಯಗೃಹ್ಣಾ- -ನ್ಮಂತ್ರಂ ಸಮಸ್ತಂ ದಿವಿಷಜ್ಜಯೈಷೀ || ೨೭-೧ || ವೇದೇ ಗೃಹೀತೇ ದಿತಿಜೇನ ವಿಪ್ರಾಃ ಶ್ರುತಿಸ್ಥಿರಾ ವಿಸ್ಮೃತವೇದಮಂತ್ರಾಃ | ಸಾಂಧ್ಯಾನಿ ಕರ್ಮಾಣ್ಯಪಿ ನೈವ ಚಕ್ರುಃ ಕ್ಷಿತಿಸ್ತ್ವವೇದಾಧ್ಯಯನಾ ಬಭೂವ || ೨೭-೨ || ಹೃತೇಷು ಮಂತ್ರೇಷ್ವಖಿಲೇಷು ಪೂಜಾ- -ಯಜ್ಞಾದಿ ಭೂಮೌ ನ ಕೃತಂ ಮನುಷ್ಯೈಃ | ಸುರಾ ಅಶಕ್ತಾಸ್ತದಲಾಭಖಿನ್ನಾ ದೈತ್ಯೇನ ಯುದ್ಧೇ ಬಲಿನಾ ಜಿತಾಶ್ಚ || ೨೭-೩ || ತ್ಯಕ್ತ್ವಾ ದಿವಂ ತೇ ಗಿರಿಗಹ್ವರೇಷು ನಿಲೀಯ ವರ್ಷಾಣಿ ಬಹೂನಿ ನಿನ್ಯುಃ | ವೃಷ್ಟೇರಭಾವಾದ್ಧರಣೀ ಚ ಶುಷ್ಕ- -ಜಲಾಶಯಾ ತರ್ಷನಿಪೀಡಿತಾಽಭೂತ್ || ೨೭-೪ || ಸರ್ವೇ ತೃಷಾರ್ತಾಶ್ಚ ಹಿಮಾದ್ರಿಮೇತ್ಯ ತ್ವಾಂ ಧ್ಯಾನಪೂಜಾನುತಿಭಿರ್ಭಜಂತಃ | ಪ್ರಸಾದಯಾಮಾಸುರನೇಕಕೋಟಿ- -ಬ್ರಹ್ಮಾಂಡಕರ್ತ್ರೀಮಖಿಲಾರ್ತಿಹಂತ್ರೀಮ್ || ೨೭-೫ || ದೃಷ್ಟಾ ದಯಾರ್ದ್ರಾಕ್ಷಿಶತಾ ತ್ವಮೇಭಿಃ ಕೃಪಾಶ್ರುವರ್ಷೈರ್ನವರಾತ್ರಮುರ್ವ್ಯಾಮ್ | ಜಲಾಶಯಾನ್ಪೂರ್ಣಜಲಾಂಶ್ಚಕರ್ಥ ಜನಾಃ ಶತಾಕ್ಷೀತ್ಯಭಿಧಾಂ ದದುಸ್ತೇ || ೨೭-೬ || ಕ್ಷುತ್ಪೀಡಿತಾನಾಂ ಚ ಚರಾಚರಾಣಾಂ ಸರ್ವತ್ರ ನಾನಾವಿಧಮನ್ನಮಿಷ್ಟಮ್ | ಸ್ವಾದೂನಿ ಮೂಲಾನಿ ಫಲಾನಿ ಚಾದಾಃ ಶಾಕಂಭರೀತಿ ಪ್ರಥಿತಾ ತತೋಽಭೂಃ || ೨೭-೭ || ದೈತ್ಯಸ್ತು ವಿಜ್ಞಾಯ ಸಮಸ್ತಮಸ್ತ್ರ- -ಶಸ್ತ್ರೈಃ ಸಸೈನ್ಯಃ ಪ್ರಹರನ್ ವಪುಸ್ತೇ | ರಣಾಂಗಣೇ ಸಾಯಕವಿದ್ಧಗಾತ್ರಃ ಸಶಬ್ದಮುರ್ವ್ಯಾಂ ತರುವತ್ಪಪಾತ || ೨೭-೮ || ಸ ಚಾಸುರಾತ್ಮಾ ಖಲು ವೇದಮಂತ್ರಾನ್ ಚಿರಂ ಪಠಂಸ್ತ್ವಾಮಭಿವೀಕ್ಷಮಾಣಃ | ಗತಾಯುರಾವಿಶ್ಯ ಪರಾತ್ಮನಿ ತ್ವ- -ಯ್ಯವಾಪ ಮುಕ್ತಿಂ ಮಿಷತಾಂ ಸುರಾಣಾಮ್ || ೨೭-೯ || ವೇದಾನ್ಹೃತಾನಬ್ಜಭವಾನನೇ ತ್ವಂ ಪುನಶ್ಚ ನಿಕ್ಷಿಪ್ಯ ಜಗತ್ಸುರಕ್ಷಾಮ್ | ಕೃತ್ವಾ ನುತಾ ದೇವಗಣೈರ್ನರೈಶ್ಚ ತುಷ್ಟಾ ತಿರೋಽಭೂಃ ಕರುಣಾರ್ದ್ರನೇತ್ರಾ || ೨೭-೧೦ || #pragnatales #spirituality #devinarayaniyam #kannadastory #kannada #ದೇವಿಮಹಿಮೆ #sanatanadharma