ಮೂಲ ಪ್ರಕೃತಿಮಹಿಮಾ #ಶ್ರೀ ದೇವಿ ನಾರಾಯಣಿಯಂ #36ನೇ ದಶಕ #ದೇವಿ ಭಾಗವತದ ಸಂಕ್ಷಿಪ್ತ ರೂಪ

|| ಮೂಲಪ್ರಕೃತಿಮಹಿಮಾ || ತ್ವಮೇವ ಮೂಲಪ್ರಕೃತಿಸ್ತ್ವಮಾತ್ಮಾ ತ್ವಮಸ್ಯರೂಪಾ ಬಹುರೂಪಿಣೀ ಚ | ದುರ್ಗಾ ಚ ರಾಧಾ ಕಮಲಾ ಚ ಸಾವಿ- -ತ್ರ್ಯಾಖ್ಯಾ ಸರಸ್ವತ್ಯಪಿ ಚ ತ್ವಮೇವ || ೩೬-೧ || ದುರ್ಗಾ ಜಗದ್ದುರ್ಗತಿನಾಶಿನೀ ತ್ವಂ ಶ್ರೀಕೃಷ್ಣಲೀಲಾರಸಿಕಾಽಸಿ ರಾಧಾ | ಶೋಭಾಸ್ವರೂಪಾಽಸಿ ಗೃಹಾದಿಷು ಶ್ರೀ- -ರ್ವಿದ್ಯಾಸ್ವರೂಪಾಽಸಿ ಸರಸ್ವತೀ ಚ || ೩೬-೨ || ಸರಸ್ವತೀ ಹಾ ಗುರುಶಾಪನಷ್ಟಾಂ ತ್ವಂ ಯಾಜ್ಞವಲ್ಕ್ಯಾಯ ದದಾಥ ವಿದ್ಯಾಮ್ | ತ್ವಾಮೇವ ವಾಣೀಕವಚಂ ಜಪಂತಃ ಪ್ರಸಾಧ್ಯ ವಿದ್ಯಾಂ ಬಹವೋಽಧಿಜಗ್ಮುಃ || ೩೬-೩ || ತ್ವಂ ದೇವಿ ಸಾವಿತ್ರ್ಯಭಿಧಾಂ ದಧಾಸಿ ಪ್ರಸಾದತಸ್ತೇ ಖಲು ವೇದಮಾತುಃ | ಲೇಭೇ ನೃಪಾಲೋಽಶ್ವಪತಿಸ್ತನೂಜಾಂ ನಾಮ್ನಾ ಚ ಸಾವಿತ್ರ್ಯಭವತ್ಕಿಲೈಷಾ || ೩೬-೪ || ಸಾ ಸತ್ಯವಂತಂ ಮೃತಮಾತ್ಮಕಾಂತ- -ಮಾಜೀವಯಂತೀ ಶ್ವಶುರಂ ವಿಧಾಯ | ದೂರೀಕೃತಾಂಧ್ಯಂ ತನಯಾನಸೂತ ಯಮಾದ್ಗುರೋರಾಪ ಚ ಧರ್ಮಶಾಸ್ತ್ರಮ್ || ೩೬-೫ || ಸ್ಕಂದಸ್ಯ ಪತ್ನೀ ಖಲು ಬಾಲಕಾಧಿ- ಸ್ಕಂದಸ್ಯ ಪತ್ನೀ ಖಲು ಬಾಲಕಾಧಿ- -ಷ್ಠಾತ್ರಿ ಚ ಷಷ್ಠೀತಿ ಜಗತ್ಪ್ರಸಿದ್ಧಾ | ತ್ವಂ ದೇವಸೇನಾ ಧನದಾಽಧನಾನಾ- -ಮಪುತ್ರಿಣಾಂ ಪುತ್ರಸುಖಂ ದದಾಸಿ || ೩೬-೬ || ಸತ್ಕರ್ಮಲಬ್ಧೇ ತನಯೇ ಮೃತೇ ತು ಪ್ರಿಯವ್ರತೋಽದೂಯತ ಭಕ್ತವರ್ಯಃ | ತಂ ಜೀವಯಿತ್ವಾ ಮೃತಮಸ್ಯ ದತ್ವಾ ಸ್ವಭಕ್ತವಾತ್ಸಲ್ಯಮದರ್ಶಯಸ್ತ್ವಮ್ || ೩೬-೭ || ತ್ವಮೇವ ಗಂಗಾ ತುಲಸೀ ಧರಾ ಚ ಸ್ವಾಹಾ ಸ್ವಧಾ ತ್ವಂ ಸುರಭಿಶ್ಚ ದೇವಿ | ತ್ವಂ ದಕ್ಷಿಣಾ ಕೃಷ್ಣಮಯೀ ಚ ರಾಧಾ ದಧಾಸಿ ರಾಧಾಮಯಕೃಷ್ಣತಾಂ ಚ || ೩೬-೮ || ತ್ವಂ ಗ್ರಾಮದೇವೀ ನಗರಾಧಿದೇವೀ ವನಾಧಿದೇವೀ ಗೃಹದೇವತಾ ಚ | ಸಂಪೂಜ್ಯತೇ ಭಕ್ತಜನೈಶ್ಚ ಯಾ ಯಾ ಸಾ ಸಾ ತ್ವಮೇವಾಸಿ ಮಹಾನುಭಾವೇ || ೩೬-೯ || ಯದ್ಯಚ್ಛ್ರುತಂ ದೃಷ್ಟಮಪಿ ಸ್ಮೃತಂ ಚ ತತ್ತತ್ತ್ವದೀಯಂ ಹಿ ಕಲಾಂಶಜಾಲಮ್ | ನ ಕಿಂಚನಾಸ್ತ್ಯೇವ ಶಿವೇ ತ್ವದನ್ಯ- -ದ್ಭೂಯೋಽಪಿ ಮೂಲಪ್ರಕೃತೇ ನಮಸ್ತೇ || ೩೬-೧೦ || #ದೇವಿ #pragnatales #kannada #ಕನ್ನಡ #kannadastory