Khit Thit Evening News | 5 October 2026

Khit Thit သတင်းဌာန၏ အောက်တိုဘာ ၅ ရက် ညနေပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ အောက်တိုဘာ ၅ ရက် ညနေပိုင်း တင်ဆက်ပေးမယ့် သတင်းတွေကတော့ -ကရင်ပြည်နယ် ၊ မြဝတီမြို့နယ်မှာ စစ်တပ်လက်အေက်ခံ BGF တပ်ရဲ့ ဗိုလ်မှူး မုတ်သုန် နဲ့ အဖွဲ့က စစ်တပ်နဲ့အတူ ပူးပေါင်းပြီး ကျားဖြန့်ငွေလိမ်လုပ်ငန်းတွေအပြင် မူးယစ်ဆေးဝါး၊ လူကုန်ကူးမှုနဲ့ မှောင်ခိုလုပ်ငန်းတွေကို အကြီးအကျယ် လုပ်ကိုင်နေကြတယ်လို့ ကရင်စစ်ရေးသတင်းရင်းမြစ်က ရန်ကုန်ခေတ်သစ်ကို ပြောလာပါတယ်။ မလေးရှားနိုင်ငံကနေ ပြန်ပို့လိုက်တဲ့ မြန်မာဒုက္ခသည် ၁၄၀၀ ကျော်ထဲက ရခိုင်တိုင်းရင်းသား အမျိုးသားအားလုံးကို မြန်မာစစ်တပ်က ပြန်မလွှတ်ပေးဘဲ ရန်ကုန်မြို့က လှိုင်သာယာမြို့နယ်မှာ ယာယီ ထိန်းသိမ်းရေးစခန်းဖွင့်ပြီး ဖမ်းဆီးထားတယ်လို့ သက်ဆိုင်ရာ မိသားစုဝင်တွေက ရန်ကုန်ခေတ်သစ်ကို ပြောလာပါတယ်။ -မန္တလေး အိုးဘိုအကျဉ်းထောင်မှာ လုံလောက်တဲ့ ဆေးကုသခွင့်မရဘဲ မန္တလေး ဆေးတက္ကသိုလ် ရောဂါဗေဒဌာနရဲ့ ဓာတ်ခွဲခန်းမှူး CDM ဆရာမ ဒေါ်ခင်သီတာ သေဆုံးသွားခဲ့တယ်လို့ အာဏာရှင်စနစ်ဆန့်ကျင်ရေး ပြည်သူ့အင်အားများ ချိတ်ဆက်ညှိနှိုင်းရေးကော်မတီ ရဲ့ တာဝန်ရှိသူက ရန်ကုန်ခေတ်သစ်ကို ပြောလာပါတယ်။ ရုရှားနိုင်ငံ၊ ဓာတ်ခွဲခန်းမှာ ပလိပ်ရောဂါပိုးပါဝင်တဲ့ စမ်းသပ်ပြွန် မတော်တဆကျိုးပြီးနောက် ကျန်းမာ ရေးဝန်ထမ်းတစ်ဦး ရောဂါကူးစက်ခံရပြီး သေဆုံးသွားသလို ၊ နောက်ထပ် ရောဂါပိုး ကူးစက်နိုင်ခြေရှိ သော လူ ၂၀၀ နီးပါးကိုလည်း သီးခြားစောင့်ကြည့်နေရပြီး အစုလိုက်အပြုံလိုက် ရောဂါကူးစက်မှာကို စိုးရိမ်နေရတဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။