ဝိပဿနာရှုဖွယ် တော-၄၀ အပိုင်း(၁) တရားတော်

ခန္ဓာငါးပါးကို ဝိပဿနာဉာဏ်တင်၍ ဤရှုကွက်-၄၀ ဖြင့် ဆင်ခြင်သုံးသပ်ပါ။ #အနိစ္စလက္ခဏာ (၁၀) ချက် ၁။ အနိစ္စတော- အနိစ္စံ= မြဲခြင်းသဘောမရှိ-ဟုရှုပါ။ ၂။ ပလောကတော- ပလောကံ= ပျက်ခြင်းသဘောရှိ၏-ဟု ရှုပါ။ ၃။ စလတော- စလံ= မတည်ကြည်မဝံ့စား ရွေ့ရှားတုန်လှုပ်တတ်၏-ဟုရှုပါ။ ၄။ ပဘင်္ဂုတော- ပဘင်္ဂု= ဖရိုဖရဲ ပြိုကွဲပျက်ခြင်းသဘောရှိ၏-ဟုရှုပါ။ ၅။ အဒ္ဓုဝတော- အဒ္ဓုဝံ= ခိုင်မာခြင်းသဘောမရှိ။ ၆။ ဝိပရိဏာမတော- ဝိပရိဏာမံ= ဖောက်ပြန်ခြင်းသဘောရှိ၏။ ဥပါဒ်သဘောမှ ဌီသဘော ဇရာ=ဘင်သဘော မရဏသို့ပြောင်းခြင်းကို ဆိုလို၏။ ၇။ အသာရကတော- အသာရကံ= ခိုင်မာသည့်အနှစ်သာရမရှိ။ ၈။ ဝိဘဝတော- ဝိဘဝံ= ဆုံးရှုံးခြင်းသဘောရှိ၏။ ၉။ မရဏဓမ္မတော- မရဏဓမ္မံ= မစ္စု= သေခြင်း (ပျက်ခြင်း) သဘောရှိ၏။ ၁၀။ သင်္ခတတော- သင်္ခတံ= အကြောင်းတရားတို့သည်အဖန်ဖန်အထပ်ထပ် ပြုပြင်အပ်သော သဘောရှိ၏။ #ဒုက္ခလက္ခဏာ (၂၅) ချက် ၁။ ဒုက္ခတော- ဒုက္ခံ= ယုတ်မာညစ်ဆိုး ဆင်းရဲသည့်ဒုက္ခမျိုးသာတည်း။ (ဒုက္ခဝေဒနာ = ဒုက္ခဒုက္ခ။ သုခဝေဒနာ = ဝိပရိဏာမဒုက္ခ(တည်နေခိုက်သုခ၊ ပျက်စီးက ဒုက္ခ)။ ဥပေက္ခာဝေဒနာနှင့်ဝေဒနာမှ ကြွင်းသော ရုပ်နာမ်= သင်္ခါရဒုက္ခ) ၂။ ရောဂတော = ရောဂံ- နာကျင်ညစ်ဆိုး ရောဂါမျိုးသာတည်း။ ၃။ အဃတော = အဃံ- အကျိုးယုတ်အကျိုးမဲ့မျိုးသာတည်း။ ၄။ ဂဏ္ဍတော = ဂဏ္ဍံ- မဖွယ်ရုပ်ဆင်း ထွတ်မြင်းအနာမျိုးသာတည်း။ ၅။ သလ္လတော = သလ္လံ- စူးဝင်ညစ်ဆိုး မြှားငြောင့်မျိုးသာတည်း။ ၆။ အာဗာဓတော = အာဗာဓံ- နှိပ်စက်လွှမ်းမိုး အနာမျိုးသာတည်း။ ၇။ ဥပဒ္ဒဝတော = ဥပဒ္ဒဝံ- လွန်စွာကပ်ရပ်နှိပ်စက်တတ်သော ဥပါဒ်မျိုးသာတည်း။ ၈။ ဘယတော = ဘယံ- ကြောက်ဖွယ်ညစ်ဆိုး ဘေးရန်မျိုးသာတည်း။ ၉။ ဤတိတော = ဤတိ- ထိတ်လန့်စဖွယ်အန္တရာယ်မျိုးသာတည်း။ ၁၀။ ဥပသဂ္ဂတော = ဥပသဂ္ဂံ- တွယ်တာစွဲကပ်နှိပ်စက်တတ်သော ဥပါဒ်မျိုးသာတည်း။ ၁၁။ အတာဏတော= အတာဏံ- စောင့်ရှောက်မဲ့ကင်း ဘေး၏ အသင်းသာတည်း။ ၁၂။ အလေဏတော= အလေဏံ- မှီခိုရာမဲ့ကင်း ဘေး၏ အသင်းသာတည်း။ ၁၃။ အသာရကတော= အသာရကံ- ကိုးကွယ်ရာမဲ့ကင်း ဘေး၏ အသင်းသာတည်း။ ၁၄။ ဝဓကတော = ဝဓကံ- နာရီမလပ်အတွင်သတ်သည့်လူသတ်မျိုးရိုးသာတည်း။ ၁၅။ အဃမူလတော =အဃမူလံ- အကျိုးမဲ့ကင်း ဆင်းရဲခြင်း၏ အရင်းအမြစ်သာတည်း။ ၁၆။ အာဒီနဝတော = အာဒီနဝံ- ဆိုးဝါးညစ်ညု အပြစ်စုသာတည်း။ ၁၇။ သာသဝတော = သာသဝံ- အာသဝေါတရား လေးပါးတို့၏ အစီးအပွားသာတည်း။ ၁၈။ မာရာမိသတော = မာရာမိသံ- ကိလေသမာရ်မစ္စုမာရ်တို့၏ (ဋ္ဌ) ဒေဝပုတ္တ၊ ကိလေသ၊ ခန္ဓ၊ မစ္စု၊ အဘိသင်္ခါရမာရ်ငါးပါးတို့၏ (မဟာဋီ) စားဖတ်ဝါးဖတ် သုံးသပ်နင်းနယ်ရာတည်း။ ၁၉။ ဇာတိတော = ဇာတိ- ဖြစ်ချင်တိုင်း ဖြစ်တတ်သောသဘောရှိ၏။ (ဥပါဒ်သဘော) ၂၀။ ဇရာဓမ္မတော = ဇရံ- ဆုတ်ယုတ်လျော့ပါးခြင်းသဘောရှိ၏။ (ဌီသဘော) ၂၁။ ဗျာဓိဓမ္မတော = ဗျာဓိ- ဖျားနာခြင်းသဘောရှိ၏။ (ဘင်သဘော) ၂၂။ သောကဓမ္မတော =သောကံ- စိုးရိမ်ပူပန်ခြင်းသဘောရှိ၏။ ၂၃။ ပရိဒေဝဓမ္မတော =ပရိဒေဝံ- ငိုကြွေးမြည်တမ်းရခြင်းသဘောရှိ၏။ ၂၄။ ဥပါယာသဓမ္မတော= ဥပါယာသံ- သက်ကြီးရှိုက်ငင်ပြင်းစွာပူပန်ရခြင်းသဘောရှိ၏။ ၂၅။ သံကိလေသဓမ္မတော= သံကိလေသိကဓမ္မံ- သံကိလေသ သဘာဝကံ= တဏှာ ဒိဋ္ဌိဒုစ္စရိတတည်းဟူသော ညစ်နွမ်းခြင်းသုံးပါးကို၊ ဝါ ၊ ကိလေသာဆယ်ပါး ဟူသော ညစ်နွမ်းခြင်းကို ပျက်စီးစေ တတ်သော သဘောရှိ၏။ #အနတ္တလက္ခဏာ (၅) ချက် ၁။ အနတ္တတော = အနတ္တာ- အတ္တမဟုတ်။ ၂။ သုညတော = သုညံ- အတ္တမှဆိတ်သုဉ်း၏။ ၃။ ပရတော = ပရံ- အကျွမ်းဝင်ခြင်း အမြဲကင်းသော သူစိမ်းပြင်ပသာတည်း။ ၄။ ရိတ္တတော = ရိတ္တံ- အနှစ်သာရဟူသမျှနှင့်ကင်းဆိတ်သော သဘောတရားတည်း။ ၅။ တုစ္ဆတော = တုစ္ဆံ- အတ္တမမှီး အချည်းနှီးသာတည်း။ #ပဋိသမ္ဘိဒါမဂ္ဂ၊၄၁၀၊ဝိသုဒ္ဓိ၊၂၊၂၄၆ ကျေးဇူးတော်ရှင်ပါချုပ်ဆရာတော်ဘုရားကြီး 🙏🙏🙏 အသက်ရှည်ကျမ်းမာပါစေဘုရား 🙏🙏🙏 မေတ္တာဖြင့် ဓမ္မဒါနကုသိုလ်မျှဝေပါ၏။ ဝိပဿနာဉာဏ်အလင်းများရကြပါစေ။ 🙏🙏🙏 #ပါချုပ်ဆရာတော်ဘုရားကြီး #ပါချုပ်ဆရာတော် #ပါမောက္ခချုပ်ဆရာတော် #ဝိပဿနာကမ္မဋ္ဌာန်း(၄၀) #တော (၄၀) ရှုနည်း