لماذا الله لا يوقف الشر؟ ردّي على أسئلة بطّون

سأل صانع المحتوى اللبناني بطّون مجموعة أسئلة عميقة وحقيقية عن الألم والشر وغياب الله الظاهري عن المشهد. أعلق أولا على جزئية "أنا إنسان مؤمن والله عاطيني عقل بيحقلي إسأل" - بوافقو لبطون مية بالمية. الإيمان مش ضد العقل. ممكن في أجزاء من الإيمان فوق العقل وما منفهما بس الله مصدر المنطق مش ضد المنطق. وأي جماعة إيمانية تمنع الأسئلة ولو كانت مسيحية لازم يكون هيدا علامة خطر لإلك. ثانيا يسأل بطون "االله وينك؟" - سؤال حقيقي وضروري. ويللي ما عم يسأل هيك سؤال أنا شخصيا بيصير عندي شك بإنسانيتو. وهيدا سؤال بيبلي ومن رحم التقليد المقدس اليهودي والمسيحي. مثل أول من بداية سفر حبقوق، "2حتَّى مَتَى يا رَبُّ أدعو وأنتَ لا تسمَعُ؟ أصرُخُ إلَيكَ مِنَ الظُّلمِ وأنتَ لا تُخَلِّصُ؟" (1: 2). ومن بعد ما يحكي عن دينونة الله القادمة على الشر بينهي السفر بتسبيحة شهيرة، "17فمَعَ أنَّهُ لا يُزهِرُ التّينُ، ولا يكونُ حَملٌ في الكُرومِ. يَكذِبُ عَمَلُ الزَّيتونَةِ، والحُقولُ لا تصنَعُ طَعامًا. يَنقَطِعُ الغَنَمُ مِنَ الحَظيرَةِ، ولا بَقَرَ في المَذاوِدِ، 18فإنّي أبتَهِجُ بالرَّبِّ وأفرَحُ بإلهِ خَلاصي. 19الرَّبُّ السَّيِّدُ قوَّتي، ويَجعَلُ قَدَمَيَّ كالأيائلِ، ويُمَشّيني علَى مُرتَفَعاتي" (3: 17-19). يسوع على الصليب صرخ "إلهي إلهي لماذا تركتني" هيدا سؤال بشري عميق بوجه الشر الجارف تالت شي يطلق بطون مجموعة تعابير لاهوتية مثل "ما في غير شر…ليه ما بيصير عجايب على صعيد كبير…ليه ما حدا من الكبار بيموت…ليش ما خلقنا بلا خطية" - هون عندي بعض التحفّظ أو الرأي المغاير. عم يسأل أسئلة هني من صلب فهمنا للعالم والإنجيل. العالم مكسور بالشر. في شر بسبب خيارات الناس الغلط وبسبب قوى ظلام روحية بالكون عم تشتغل ضد الله. ما بدّعي أعرف مصدرها. يبدو الإله يللي أعلن عن نفسو بيسوع المسيح يحارب الشر بطريقة مختلفة عن طريقة الشر. من خلال الصليب ودحر الشر بالمحبة. قوة المحبة أقوى من الشر بالنهاية ولو حاليا هيي أضعف بمقاييس هذا العالم الشرير. مع الإشارة إنو بترتيب الكون الشر يجلب الشر لصاحب الشر بشكل عام. السيف بيجيب سيف. والظلم بيوعي فينا حس العدالة ومنوقف ضد الظلم. ليش ما في خير شر؟ في كتير خير. أكتر ما منتخايل. لأنو في كتير خير الشر بينأزنا وبيصدمنا وبيخلينا نعرف من جوا إنو في شي مش ظابط ومنشتاق لفداء كل الكون من قبضة الشر. هيدا رجائنا المسيحي. إنو الشر مش نهاية القصة. وحاليا مننضم لملكوت الله بمحاربة الشر يللي جواتنا ويللي بالعالم. بشكر بطون على الأسئلة وبتمنى الإجابة تكون شافية بعض الشيء مع الإشارة إنو بمواجهة الشر الكبير الصمت مرات أفضل ردّة فعل. منصلّي ومنسعى لسلام عادل ونهائي لشعوب هذه المنطقة! رابط فيديو بطون على انستغرام   / dw8wh4wci4f   رابط مدوّنتي وصفحاتي على السوشال ميديا https://linktr.ee/Nabil.habiby شكرا لكل من يتبرّع لدعم هذه القناة. لتبرعاتكم الرجاء استخدام الحساب التالي عبر PayPal http://paypal.me/nabilhabiby