Tehran: Peace for Leaders, Hate for People?

*تہران میں کیا ہوا؟ نفرت اب کون مٹائے گا؟* 26 اکتوبر 2026 کو تہران میں ایک غیر معمولی سفارتی منظر دیکھنے کو ملا۔ سعودی عرب، پاکستان اور ترکیہ کے اعلیٰ سطحی نمائندے ایرانی قیادت کے ساتھ ایک میز پر بیٹھ گئے۔ سعودی وزیرِ دفاع خالد بن سلمان، پاکستان کے فیلڈ مارشل عاصم منیر، ترکیہ کے انٹیلی جنس سربراہ ابراہیم قالن اور ایران کی قومی سلامتی کونسل کے سربراہ محسن رضائی کی یہ ملاقات مشرقِ وسطیٰ کی سیاست میں ایک اہم پیش رفت ہے۔ لیکن اس ملاقات کی اصل معنویت کیا ہے؟ کیا یہ ایران کی فتح اور سعودی عرب کی شکست ہے؟ یا سعودی قیادت کی ایسی سیاسی جرأت جس سے خطے میں مفاہمت کے نئے امکانات پیدا ہو سکتے ہیں؟ اس نئی قسط میں پروفیسر رشید شاذ تہران کی تاریخی ملاقات کو عرب و عجم کی رقابتوں، شیعہ سنی کشمکش، سعودی ایران تعلقات اور عالمِ اسلام کی طویل فرقہ وارانہ تاریخ کے پس منظر میں دیکھتے ہیں۔ وہ سوال اٹھاتے ہیں کہ جب سیاست دان اپنے مفادات اور سلامتی کی خاطر پرانے دشمنوں سے مفاہمت کر سکتے ہیں تو ان معاشروں کا کیا ہوگا جن کے ذہنوں میں برسوں مذہب، تاریخ اور فرقہ وارانہ بیانیوں کے ذریعے دشمنیاں اتاری جاتی رہی ہیں؟ کیا تہران میں پیدا ہونے والی امید صنعا تک پہنچ سکتی ہے؟ کیا یمن کی طویل جنگ کے زخموں پر مرہم رکھا جا سکتا ہے؟ اور کیا اقبال کا یہ خواب کبھی حقیقت بن سکتا ہے؟ **طہران ہو گر عالمِ مشرق کا جنیوا شاید کرۂ ارض کی تقدیر بدل جائے** اس گفتگو کا مرکزی سوال صرف یہ نہیں کہ تہران میں کیا ہوا۔ اصل سوال یہ ہے کہ سیاسی ضرورتیں بدل جانے کے بعد اس نفرت کا کیا ہوگا جسے نسلوں کے ذہنوں میں مذہبی یقین بنا کر بٹھا دیا گیا؟ *سیاست اپنا راستہ بدل لیتی ہے۔ لیکن معاشرہ بیمار رہتا ہے۔* شاز مجلس کی اس قسط میں ایک ایسے سوال کا سامنا کیجیے جس کا جواب شاید ہماری سیاست اور ہماری مذہبی قیادت، دونوں کے پاس آسانی سے موجود نہیں۔ آپ کی نظر میں کیا تہران کی ملاقات عالمِ اسلام میں ایک نئے عہد کی ابتدا بن سکتی ہے؟ اپنی رائے کمنٹس میں ضرور لکھیے۔ Prof. Rashid Shaz | Rashid Shaz Official #RashidShazOfficial#RashidShaz #TehranTalks #SaudiIranRelations #Sectarianism #MiddleEastPeace #Iqbal