Кара-Кулжа: Бакма баласын уурулукта айыптап каматам деген эне, өз энесин издеген жигит

Кара-Кулжа районунун Кара-Кулжа айыл өкмөтүнүн Кеңеш айылында жашаган Кыргызбай Курбановдор үй-бүлөсү тыштагы элге кадимки бактылуу, ынтымактуу жашаган үй-бүлө көрүнүп келишкен. Бирок, бул үй-бүлөнүн жаңжалынын сырын кошуналары, айыл эли жакында гана билишип, бирок азыркыга чейин түшүнбөй келишет. Учурда айыл элин кичүү уулу Шайырбек кокустан эле Ноокатка көчүп кетип калганы, ал уулун уурулукта айыптап каматканы таң калтырууда.