ស្វែងយល់​ពី​ប្រតិបត្តិការ​បោកប្រាស់​អនឡាញ​មួយនៅកម្ពុជា​

នៅពេលមើលមួយភ្លែត ទីតាំងរបស់ក្រុមហ៊ុន Jin Zi Hui Property Management ដែលស្ថិតនៅភាគអាគ្នេយ៍នៃប្រទេសកម្ពុជា មើលទៅហាក់ដូចជាតំបន់ការិយាល័យធ្វើការមួយ។ នៅទីនោះមានទីលានបាល់បោះ ភោជនីយដ្ឋាន និងអគារការិយាល័យជាច្រើនតម្រៀបគ្នា មិនខុសអ្វីពីបរិវេណក្រុមហ៊ុនបច្ចេកវិទ្យាធំៗនោះទេ។ អ្វីដែលខ្វះខាតគឺអត់មានមនុស្សធ្វើការ។ នៅខាងក្នុងទីតាំងបោកប្រាស់តាមអ៊ីនធឺណិតដែលត្រូវបានបោះបង់ចោលនេះ មានតុជាច្រើនដែលគ្មានមនុស្សអង្គុយ កៅអីដែលត្រូវបានផ្កាប់ចុះ និងស៊ីមកាត (SIM cards) របស់ក្រុមហ៊ុន AT&T និង T-Mobile ធ្លាក់រាយប៉ាយពេញនោះ។ មនុស្សដែលធ្លាប់អង្គុយធ្វើការនៅតុទាំងនេះរហូតដល់ដើមឆ្នាំនេះ គឺបានផ្ញើសារទៅកាន់មនុស្សនៅសហរដ្ឋអាមេរិក ចក្រភពអង់គ្លេស និងប្រទេសចិន ដើម្បីបោកយកប្រាក់ពីពួកគេ។