Marrocos en Moto: Val dos Aït Bougmez (o Val Feliz)

Visita en moto, na finde do 10 ao 11 de xuño de 2023, ao Val dos Aït Bougmez, denominado "o Val Feliz". Emprazado a case 2000 metros de altitude, a pé do Ighil M´Goum (segunda cima de Marrocos, con 4.071m), forma un fermoso val de máis de 30 km entre montañas. Habitado por xente hospitalaria dedicada á tarefas agrícolas e coidando abondosos campos de mazás. No cimo de varias colinas sitúanse graneiros colectivos, como o de Sidi Moussa, desde o que se capta unha perspectiva completa do val. Puro territorio amazigh co que, con tristura, me despido da compañeira dos últimos dous anos e 18.000 km polas estradas de Marrocos. Adeus, pois, á miña África Twin, preciso recompoñer os meus ombreiros para, se cadra, inshalah!, volver gozar das fabulosas paisaxes do Atlas. Poida ou non, botareite de menos!