Тәуелсіздіктің шешілмеген мәселелері | Егемендік әлі де сында | Сараптама

«БҮГІНДЕ ТӘУЕЛСІЗДІГІМІЗ БЕН ЕГЕМЕНДІГІМІЗДІ ҚОРҒАУҒА ҚАТЫСТЫ БАРЛЫҚ МӘСЕЛЕ ӘЛІ ТОЛЫҚТАЙ ШЕШІМІН ТАПҚАН ЖОҚ. БҰЛ – АЛДЫМЫЗДА КӨПТЕГЕН ӨЗЕКТІ МІНДЕТ ТҰР ДЕГЕН СӨЗ». Президент қазан айының соңын ала Қазақстан халқына арнаған кезекті жолдауынының бісмілләсін осындай мәлімдемемен бастады. Әлбетте ауыл шопырының сұрағы туындайды. Ел болғалы 35 жылда егемендікті мен тәуелсіздігімізді нығайта алмағанымыз ба? Ақ жағалылар айға бата жасаған ба? – деп, түңілмесек те, түксиетініміз анық қой. Қазіргі Чехияның тұңғыш президенті Вацлав Гавелдің сөзі ойға оралады осы орайда. «ТӘУЕЛСІЗДІК - БҰЛ ӨЗГЕНІҢ ЫҚПАЛЫНАН АРЫЛУ ҒАНА ЕМЕС, ӨЗ ТАҒДЫРЫҢ ҮШІН ҮНЕМІ ЖАУАПКЕРШІЛІК АРҚАЛАУ». Яғни Мемлекеттің тәуелсіздігі мен егемендігін жарияладық, халықаралық қауымдастыққа кірігіп, дипломатиялық, сосын экономикалық байланыстарды орнаттық. Жеріміздің асты толған пайдалы қазба байлықтары, енді әшейін балқып-шалқып, шырт-шырт түкіріп жатуымыз керек еді ғой. Жоқ, әсте олай емес, бұл жатыпішер жалқаудың қиялы. Елдің тәуелсіздігі үнемі қорғауды қажет етеді. Яғни мемлекет 300 жыл өмір сүрсе, сол 3 ғасыр бойына ол үшін күресу керек болады. Әйтпесе кешегі Алтын Орда қайда қалды, Қазақ хандығы неге жоқ? Демек тәуелсіздікті ұдайы қорғау қажет. Ал ол армияның ғана міндеті ме? Әлбетте жоқ. Ол мемлекет құраушы халықтан бастап елдегі барлық саяси институттар, экономика, сауда-саттық, сайып келгенде елдің сапалы өмірін тұтас қамтуы тиіс құндылықтар. Яғни бізді толғандырған сұрақтардың жауабы осы жолдауда жатқан сыңайлы. Ендеше әсіре эмоция, даңғаза ұрандарға жол бермей, тұнық ой, салқын сана тұрғысынан таразылап, бір шолып шығайық. Патша көңілдеріңіздің қалауымен әдеттегідей арнамызға тіркеліп, біз шығарып жүрген сараптамалық контенттерге пікір жазып, лүпіл баса жүруге үндемекпін. Шайларыңызды дендеп ден қойсаңыздар бастайық. #білгендұрыс #жаңалықтар #қазақстан