لا تهادى الليل ووترت فالثلث الاخير | خالد ال بريك (2026)

لا تهادى الليل وُترت فالثلث الأخير قلت حيّا عـ الفريضه وحيّا عـ الفلاح استقمنا والهدايه طريقٍ مستنير كن يذن فوق راسي بلال ابن رباح يالله احلل عقدةٍ من لساني يا قدير دعوة ٍ موسى دعاها ياعدوان النجاح الفصاحه والبلاغه وموقفها الكبير أثرت على مشاعر ملاعبة السباح من على عهد الفرزدق والاعشى والجرير القصيده بنت شيخٍ تقلد بالوشاح بين لمسات البدايه وحبكات الخبير عشت لي قصه وسميتها قصة كفاح لو دفنت الموهبه وسط مكنون الضمير والله لتنبش خفاها منبشت الجراح يا غثا الايام ماعاد ندري وش يصير ! لين صرنا نغبط الطير خفاق الجناح ودي بعزله فجو ً مثل سودة عسير لاصعق رعادها دكت الوضحا الشناح حولت طخف السحايب وماطرها غزير من قرى الحره نفيضه ليا صيهد رماح العسوس موكدينه يا سواق البعير الوعد بكره لاجينا على مفرق سماح خلو صخاف العشاير تخبط فالغدير من بعد كثح التويبع وهبّاب الرياح لا قلطنا ياهل الوضح فالشوط الخطير جنبو عن دربها يا متيهت الطياح لا ندبناها لو انها على حوض الشعير من ولعها خطر تترك ولدها فالمراح فارقه بالزين والوسر والعيز القصير خطو منتوقة مناكب ومقدمها طفاح قادت الزعجول الاول على حروة عصير ماخطفها حامي القيض واتعبها اللقاح بنت هرشٍ تفرح البدو لا قب الهدير كنه يورد هل البل على العد القراح لحتمى ماد التحدي وصياح النذير في كنف هيبات اهلها يدكن الفياح مثل مشعاب الشدادين فالهزعا النظير الوسيمه حاميتها ومطغيها الصلاح ياذوي مزيد هل الحفل والاسم الشهير ابشروبي في طلبكم بقوه واكتساح لا وقفنا ، مثل ميقاف موسى بن نصير يوم فتح الاندلس بلعتاد وبسلاح دون ربعي والقبيلة وفي راي الامير معي عزمٍ من صدوف الليالي مستراح مايطول المجد من عاد نفسه نفس طير كل ما طال اللزز من عيون الناس طاح المواقف تكشف الطيب الي فيه خير لو عليه هموم الايام حملن مايزاح كرنفال اليوم غير وحضور اليوم غير في مثاني قاعة الحفل برق العز لاح #خالد_ال_بريك #بدون_موسيقى #شيلات #اكسبلور #جديد #حصري #شعر #شيلة #طرب