Алматыда 60-қа таяған өгей әкесін өлтірді деген күдікпен ер адам ұсталды

Алматыда 60-қа таяған азаматты пышақтап өлтірді деген күдікпен өгей баласы ұсталды. Полиция дерегінше, 34 жастағы ер адам анасына тіл тигізгеніне ашуланып, қарияға кемі 10 рет ас үй пышағын сұққан екен. Алған ауыр жарақаттан азаматты аман алып қалу мүмкін болмады. Қанды қылмыс болған пәтерге барып, азаматтық некедегі күйеуінен айырылған әйелмен тілдескен әріптесім Нұртілеу Жылқышыбай тарқатады. НҰРТІЛЕУ ЖЫЛҚЫШЫБАЙ, тілші: Жантүршігерлік оқиға міне дәл осы пәтерде болды. Енді мына иттің үріп жатқан даусына қарағанда іште адамдар бар сияқты. Қазір шақырып көрейік. Көп ұзамай есік те ашылды. Есікті тарс жапқан марқұмның азаматтық некедегі әйелі мән-жәйді түсіндіруден бас тартты. Ал көршілері болса бізді көре сала камераға көсілді. Себебі, бұл отбасы бірнеше жылдан бері бүтін бір үйдің берекесін қашырды дейді. Олардың ұрыс-керісіне үйреніп қалғанымыз сонша, тіпті жексенбінің түнінде шыққан айқай-шуға мән бермегендерін айтады. САТҚАНОВ, марқұмның көршісі: Түнде айқай-шу естідім. Мен ұйықтап жатыр едім. Оған көңіл бөлмедім. Далада да біреулер айқайлап шулап жатты. Жата бердім. Бұлар постоянно солай болатын. ВЛАДИМИР ГОРДЕЕВ, марқұмның көршісі: Там кровь была.... Мен пәтерге кірген кезде қан іздерін көрдім. Марқұмның денесі қонақ бөлмесінде қансырап жатты. Денесін қатты кескілеп тастаған. 14-17 жерінен пышақтапты. Оның төртеуі өлімге әкелген жарақат. 59 жастағы азаматты ас үй пышағымен пышақтап өлтірген күдікті сол түні-ақ ұсталыпты. Кінәсін мойындаған марқұмның өгей баласы анама жақтастым деп ақталды. САЛТАНАТ ӘЗІРБЕК, Алматы қалалық полиция Департаментінің ресми өкілі: Оның сөзіне сүйенетін болсақ, бұл қылмысқа ол өзінің анасын жақтау үшін барған. Яғни, өгей әкесіне пышақ жұмысауына да сол себеп болып отыр. +Өзара ішімдік ішпеген екеуі. Тек сол отбасылық жанжал орын алды. -Бұған дейін дәл осы отбасыға қатысты көршілерінен арыз түскен ба еді? -Жоқ ешқандай арыз түскен жоқ. Бұл отбасы полицияның назарына ешқашан ілікпеген. Қазір 34 жастағы күдіктінің үстінен 99-бап, яғни адам өлтіру дерегі бойынша қылмыстық іс қозғалған. Енді ол 8 жылдан он бес жылға дейін бас бостандығынан айырылуы мүмкін. #Информбюро #31арна #БастыЖаңалықтар #Новости #31канал