တာချီလိတ်မြို့နယ်မှာ အသက်မပြည့်သေးတဲ့ ကလေးသူငယ်တွေလည်း K Pods သုံးစွဲသူပေါများလာ

ရှမ်းပြည်မြောက်ပိုင်း နမ့်ခမ်းမြို့နယ်မှာ ပြည်သူလူထုတွေက အခွန်အခပေါင်းများစွာ ပေးဆောင်နေရပေမဲ့ ရပ်ရွာဖွံ့ဖြိုးတိုးတက်မှုနဲ့ ပြန်လည်ထူထောင်ရေးအတွက် အားနည်းနေတယ်လို့ ဆိုပါတယ်။ ကုန်ဈေးနှုန်းတွေ တစ်နေ့ထက်တစ်နေ့မြင့်တက်လာပေမဲ့ ဆန်ဈေးနှုန်းတွေကတော့ ဈေးကောင်းမရတာကြောင့် ရှမ်းပြည်အတွင်းမှာရှိတဲ့ လယ်သမားတွေ အကျိုးအမြတ်မရကြဘူးလို့ ဆိုပါတယ်။ နိုင်ငံရေးမတည်ငြိမ်မှုကြောင့် မူးယစ်ဆေးဝါးတွေလည်း ပေါများလာပြီး ရှမ်းပြည်အရှေ့ပိုင်း တာချီလိတ်မြို့နယ်မှာ အသက်မပြည့်သေးတဲ့ ကလေးသူငယ်တွေလည်း K Pods သုံးစွဲသူပေါများလာတယ်လို့ ဆိုပါတယ်။