【台灣第一高峰】玉山主峰｜超嚴重高山反應🤮｜行到中途退出｜3,952米海拔｜2日1夜｜2025年｜廣東話

獨遊白馬三山【白馬岳、杓子岳、鑓ヶ岳】👉    • 【白馬岳】獨遊白馬三山｜3天2夜路線攻略｜北阿爾卑斯山｜猿倉莊～鑓溫泉～白馬山莊～栂...   東南亞第一高峰馬來西亞神山 👉   • 東南亞最高峰神山！Mount Kinabalu 4,095米海拔⛰️【一生人一次】1...   登上全日本最高海拔富士山頂峰3776 👉    • 富士山3,776登頂記錄 | 一泊二食富士宮路線 | 人生必定行一次 | 2023年...   富士山超詳細登頂及裝備攻略 👉   • [富士山登頂攻略🗻] 衣著、裝備、器材分享｜開山日子、山小屋狀況｜IG, YT留言Q...   Follow👉   / yyywilde   🗺️ 玉山兩日一夜路線 🏕 景觀 4/5 ⭐⭐⭐⭐ 💪 難度 4/5 ⭐⭐⭐⭐ ⌚ 總時間18小時（未包括入住山屋後） ⛰️ 最高3,952米 / 🧗總爬升1,400米 📏 總步行21.6公里 🗓️ 日期2025年5月1日 🚩 D1：玉山登山口➜孟祿亭➜前峰登山口➜觀景平台➜大峭壁➜排雲山莊 D2：排雲山莊➜圓峰三岔路口➜主北岔路口➜玉山主峰➜沿路折返玉山登山口 ------------------------------------- 前一晚喺嘉義集合，入住由旅行社安排嘅旅館，整體環境一般吧，但出奇地一行10人都難易而入睡。早上5:00有專車接送出發，歷時2小時到達2000多海拔嘅便利店同早餐店，係最後可以補給物資嘅地方。 8:00落車，同今次行程嘅領隊小熾會面。一般情況下領隊會由旅行社嘅人擔當，但因為我哋報名時係12人，已經到達玉山指定每團人數嘅上限，所以旅行社只可另聘排雲山莊嘅工作人員小熾作嚮導。 做好入山嘅登記手續，再坐一程接駁小巴正式到達2,680米嘅登山口。當日氣溫適中，雖然天色比較多雲陰暗，但亦為整個行程減輕唔少負擔，因為沿途走來都頗為開揚。 登山嘅路非常好走，機乎冇太多大梯級，地形變化亦算簡單。小熾除咗帶住我哋行，背上仲承擔住幾十KG嘅物資，原來運送山屋物資先係佢主要嘅收入來源，而且人工仲非常可觀，但當然係一份唔輕鬆嘅工作。 玉山喺沿途嘅標示，係用“距離”嚟做代表，同我一向認知嘅高山鐘意用“高度”嚟做量度有啲唔同。加上全程冇太多所謂嘅check point，所以對於自己行到去邊嘅概念會比較低。 17:00終於走到排雲山莊，幸好我哋原定12人可以霸佔整個房間，房內有提供睡袋，但出奇地冇枕頭，整體尚算衛生，但可惜廁所環境就要扣分了。晚餐食物比預期中豐富，不過有些微高山反應，實在冇乜胃口。 山屋冇任何嘅物資販賣，所有嘢都需要上山前準備好，只有熟水喺現場免費提供。而更出奇地係連記念品都冇得買，事後問小熾先知呢個係政府規定！！個人覺得有點可惜，好似誇張地“唔商業化”😆。 19:00山屋熄燈，身軀疲憊，但只要稍微躺平就有反胃嘅感覺，而且頭痛越嚟越勁，第三次行高海拔嘅山，卻第一次有咁嚴重嘅高山反應。全晚輾轉反側難以入睡，甚至一度覺得自己無法應付第二朝嘅攻頂睇日出。起身前嘅半個鐘，意外地瞓著了。 01:30起身執拾行裝，唔需要攻頂嘅物資可以暫時放低，食過唔知應該叫早餐定宵夜就出發攻頂，胃痛+頭痛+腳軟，我一度成為全隊人最慢嘅一個，團友們都好熱心要幫我分擔身上嘅重擔，包括領隊都話幫我孭背囊不另收費，當然最後我都係選擇自負盈虧。 幾經辛苦走到距離日出嘅最後1小時，一段比較危險同需要手腳並用嘅路段，身體突然回光反照，所有機能暫時性回覆正常狀態，順利喺5:30日出前成功登頂。 站立於3,952米高嘅玉山頂峰，再一次欣賞高海拔上嘅旭日初升，幸運嘅我哋又再遇到好天氣。領隊話一般人係日出後10分鐘就會離開，但我哋一團人影咗足足1個鐘先捨得離開😆。 8:00回程到山屋，再有早餐提供，不過高山反應令我只好把握時間昏睡過去。9:30正式離開排雲山莊，從原路向山下進發，縱使落山已經係比較輕鬆，但帶住胃痛嘅我實在寸步難行。最終喺13:30返到登山口，順利完成整個玉山之旅。 ------------------------------------­-------------------------- 00:00 新高山名字由來 00:11 Day 1 開始 01:16 上山中途休息站 01:45 入山前準備 03:45 台灣命名為"玉山" 04:00 正式起步 05:58 孟祿亭 07:56 團員中途放棄 08:29 白木林觀景台 11:30 大峭壁 13:34 初登排雲山莊 15:26 Day 2 開始 16:24 零晨起步攻頂 18:32 登上玉山主峰 20:20 落山 21:48 回到登山口終點 22:40 教台灣領導講粗口 ------------------------------------­-------------------------- 拍攝器材： Canon EOS R8 RF14-35mm F4 L IS USM RF24-240mm F4-6.3 IS STM DJI Mini 3 DJI Pocket 3 DJI Mic 拍攝日期：2025年5月1日