ឈប់ខ្ជះខ្ជាយពេលវេលា

អ្នកទាំងអស់គ្នាធ្លាប់ចំណាយពេលនៅស្ងៀមជាមួយខ្លួនឯង ហើយសួរខ្លួនឯងអត់ថា៖ «តើរាល់ថ្ងៃយើងកំពុងធ្វើអ្វី? កំពុងតែនៅកន្លែងណា ហើយចង់ទៅណា?» បើក្រឡេកទៅមើលពេលវេលា ចេះតែដើរទៅមុខ ភ្លេចៗខ្លួនក៏កន្លងទៅពី១ឆ្នាំទៅ១ឆ្នាំ ហើយបើក្រឡេកទៅមើលមនុស្សជុំវិញខ្លួន គេកំពុងសម្រេចក្ដីស្រម៉ៃរបស់គេ ឬអាចជាជីវិតដែលយើងចង់បាន ហើយយើងប្រហែលជាមានអារម្មណ៍ថា ជីវិតខ្លួនឯងកំពុងជាប់គាំង ធ្វើរឿងដដែលៗជារៀងរាល់ថ្ងៃ ដោយមិនមានអារម្មណ៍រីកចម្រើនអីសោះ។ ប្រសិនបើអ្នកទាំងអស់គ្នា មានអារម្មណ៍បែបនេះ វាមិនមែនជារឿងចម្លែកទេ ហើយក៏មិនមែនយើងជាមនុស្សតែម្នាក់ដែលមានអារម្មណ៍បែបនេះដែរ។ មានមនុស្សជាច្រើនដែលកំពុងជួបបញ្ហានេះ។