ಬೆಂಗಳೂರಿನಲ್ಲಿ ತನ್ನ ಹೆಜ್ಜೆಗುರುತನ್ನು ವಿಸ್ತರಿಸಿದ PVR INOX ವೈಟ್‌ಫೀಲ್ಡ್‌ನಲ್ಲಿ ಹೊಸ ಆರು-ಪರದೆಗಳ ಚಿತ್ರಮಂದಿರ

ವೈಟ್‌ಫೀಲ್ಡ್‌ನಲ್ಲಿ ಹೊಸ ಆರು-ಪರದೆಗಳ ಚಿತ್ರಮಂದಿರ ಆರಂಭಿಸುವ ಮೂಲಕ ಬೆಂಗಳೂರಿನಲ್ಲಿ ತನ್ನ ಹೆಜ್ಜೆಗುರುತನ್ನು ವಿಸ್ತರಿಸಿದ PVR INOX ~ ಬ್ರಿಗೇಡ್ ಕಾರ್ನರ್‌ಸ್ಟೋನ್ ಯುಟೋಪಿಯಾದಲ್ಲಿ ಪ್ರೀಮಿಯಂ ಮನರಂಜನಾ ತಾಣದೊಂದಿಗೆ ನಗರದಲ್ಲಿ ತನ್ನ ಉಪಸ್ಥಿತಿಯನ್ನು ಮತ್ತಷ್ಟು ಬಲಪಡಿಸಿದೆ ~ ರಾಷ್ಟ್ರೀಯ, 28 ಆಗಸ್ಟ್ 2026: PVR INOX ಲಿಮಿಟೆಡ್, ವೈಟ್‌ಫೀಲ್ಡ್ ಸಮೀಪದ ವರ್ತೂರು ರಸ್ತೆಯಲ್ಲಿರುವ ಬ್ರಿಗೇಡ್ ಕಾರ್ನರ್‌ಸ್ಟೋನ್ ಯುಟೋಪಿಯಾದಲ್ಲಿ 949 ಆಸನ ಸಾಮರ್ಥ್ಯವುಳ್ಳ ಹೊಸ ಆರು-ಪರದೆಗಳ ಚಿತ್ರಮಂದಿರವನ್ನು ಆರಂಭಿಸಿದೆ. ಇದು ಬೆಂಗಳೂರಿನಲ್ಲಿ ಸಂಸ್ಥೆಯ 28ನೇ ಚಿತ್ರಮಂದಿರವಾಗಿದೆ. ನಗರದ ಅತ್ಯಂತ ವೇಗವಾಗಿ ಅಭಿವೃದ್ಧಿ ಹೊಂದುತ್ತಿರುವ ಪ್ರದೇಶಗಳಲ್ಲಿ ಒಂದಾದ ಇಲ್ಲಿ, ಅನುಕೂಲತೆ, ಆರಾಮ ಮತ್ತು ಮನರಂಜನೆಗೆ ವಿಶೇಷ ಆದ್ಯತೆ ನೀಡುವ PVR INOXನ ಸಮಕಾಲೀನ ಸಿನಿಮಾ ಅನುಭವವನ್ನು ಈ ಹೊಸ ಚಿತ್ರಮಂದಿರ ಪರಿಚಯಿಸಲಿದೆ. ಬ್ರಿಗೇಡ್ ಕಾರ್ನರ್‌ಸ್ಟೋನ್ ಯುಟೋಪಿಯಾದ ಆರ್ಕೇಡಿಯಾದಲ್ಲಿರುವ ಈ ಚಿತ್ರಮಂದಿರವು ಸಮಗ್ರ ವಸತಿ ಮತ್ತು ಜೀವನಶೈಲಿ ಅಭಿವೃದ್ಧಿ ಯೋಜನೆಯ ಭಾಗವಾಗಿದೆ. ಇದು ಟೌನ್‌ಶಿಪ್ ನಿವಾಸಿಗಳ ಜೊತೆಗೆ ವೈಟ್‌ಫೀಲ್ಡ್–ವರ್ತೂರು ರಸ್ತೆ ವ್ಯಾಪ್ತಿಯ ವಿಶಾಲ ಸಮುದಾಯಕ್ಕೂ ಸೇವೆ ಒದಗಿಸಲಿದೆ. ಈ ಪ್ರದೇಶದಲ್ಲಿ ವಸತಿ ಸಮುದಾಯಗಳು, ರಿಟೇಲ್ ಮಳಿಗೆಗಳು ಮತ್ತು ವಿರಾಮ ತಾಣಗಳು ವೇಗವಾಗಿ ಬೆಳೆಯುತ್ತಿರುವ ಹಿನ್ನೆಲೆಯಲ್ಲಿ, ಸುತ್ತಮುತ್ತಲಿನ ಸಮುದಾಯದ ಸಹಜ ಮನರಂಜನಾ ಕೇಂದ್ರವಾಗಿ ಈ ಚಿತ್ರಮಂದಿರವನ್ನು ರೂಪಿಸಲಾಗಿದೆ. ಚಲನಚಿತ್ರ, ಆಹಾರ ಮತ್ತು ಸಾಮಾಜಿಕ ಅನುಭವಗಳನ್ನು ಒಂದೇ ಸ್ಥಳದಲ್ಲಿ ಒಟ್ಟುಗೂಡಿಸುವ ಮೂಲಕ, ಸಿನಿಮಾ ವೀಕ್ಷಣೆಯ ಮೊದಲು, ಸಿನಿಮಾ ಪ್ರದರ್ಶನದ ವೇಳೆ ಹಾಗೂ ನಂತರವೂ ಪ್ರೇಕ್ಷಕರು ಗುಣಮಟ್ಟದ ಸಮಯ ಕಳೆಯಲು ಅನುಕೂಲಕರ ತಾಣವನ್ನು ಇದು ಒದಗಿಸುತ್ತದೆ. ಯಶ್ ಅಭಿನಯದ ‘ಟಾಕ್ಸಿಕ್: ಎ ಫೇರಿ ಟೇಲ್ ಫಾರ್ ಗ್ರೋನ್-ಅಪ್ಸ್’ ಚಿತ್ರದೊಂದಿಗೆ ಚಿತ್ರಮಂದಿರವು ತನ್ನ ಪ್ರದರ್ಶನವನ್ನು ಆರಂಭಿಸುತ್ತಿದ್ದು, ವರ್ಷದ ಬಹುನಿರೀಕ್ಷಿತ ಚಿತ್ರಗಳಲ್ಲಿ ಒಂದಾದ ಈ ಸಿನಿಮಾವನ್ನು ಹೊಸ ಮತ್ತು ಪ್ರೀಮಿಯಂ ವಾತಾವರಣದಲ್ಲಿ ವೀಕ್ಷಿಸುವ ಅವಕಾಶವನ್ನು ವೈಟ್‌ಫೀಲ್ಡ್‌ನ ಪ್ರೇಕ್ಷಕರಿಗೆ ನೀಡಲಿದೆ. ಎಲ್ಲ ಆರು ಪರದೆಗಳಲ್ಲಿಯೂ ಆಲ್-ಲೇಸರ್ ಪ್ರೊಜೆಕ್ಷನ್, ಡಾಲ್ಬಿ 7.1 ಸರೌಂಡ್ ಸೌಂಡ್ ಮತ್ತು ನೆಕ್ಸ್ಟ್-ಜೆನ್ 3D ತಂತ್ರಜ್ಞಾನವನ್ನು ಅಳವಡಿಸಲಾಗಿದೆ. ಎರಡು ಆಡಿಟೋರಿಯಂಗಳಲ್ಲಿ DTSX ಇಮರ್ಸಿವ್ ಸೌಂಡ್ ತಂತ್ರಜ್ಞಾನವಿದ್ದು, ಪ್ರಮುಖ ಬಿಡುಗಡೆಗಳು ಮತ್ತು ಪ್ರೀಮಿಯಂ ಕಂಟೆಂಟ್‌ಗೆ ಹೆಚ್ಚು ವಿಶಾಲ ಹಾಗೂ ತಲ್ಲೀನಗೊಳಿಸುವ ಧ್ವನಿ ಅನುಭವವನ್ನು ಒದಗಿಸಲಿದೆ. ಸೆಲೆಬ್ರಿಟಿ ರಿಕ್ಲೈನರ್‌ಗಳು ಮತ್ತು ಲೌಂಜರ್ ಆಸನಗಳು ಆಡಿಟೋರಿಯಂ ಅನುಭವವನ್ನು ಮತ್ತಷ್ಟು ಉತ್ತಮಗೊಳಿಸಲಿದ್ದು, ಪ್ರೇಕ್ಷಕರಿಗೆ ಹೆಚ್ಚಿನ ಆಯ್ಕೆ ಹಾಗೂ ಉನ್ನತ ಮಟ್ಟದ ಆರಾಮವನ್ನು ನೀಡಲಿವೆ. ಸಮಕಾಲೀನ ಒಳಾಂಗಣ ವಿನ್ಯಾಸ, ಸೂಕ್ಷ್ಮವಾದ ವಿನ್ಯಾಸ ವಿವರಗಳು ಹಾಗೂ ಆತಿಥ್ಯಕ್ಕೆ ಆದ್ಯತೆ ನೀಡಿರುವ ವಿನ್ಯಾಸ ವಿಧಾನವು, ಪ್ರವೇಶದ ಕ್ಷಣದಿಂದ ಆರಂಭವಾಗಿ ಸಿನಿಮಾ ಪ್ರದರ್ಶನದ ನಂತರವೂ ಮುಂದುವರಿಯುವ ಅತ್ಯುತ್ತಮ ವಾತಾವರಣವನ್ನು ಸೃಷ್ಟಿಸುತ್ತದೆ. ಈ ಚಿತ್ರಮಂದಿರವು PVR INOXನ ಹೊಸ ‘ಸಿನಿಮಾ ಫುಡ್ ಕೋರ್ಟ್’ ಪರಿಕಲ್ಪನೆಯನ್ನೂ ಪರಿಚಯಿಸುತ್ತಿದೆ. ಇದು ಆಹಾರ, ಪಾನೀಯ ಮತ್ತು ಆತಿಥ್ಯವನ್ನು ಸಿನಿಮಾ ವೀಕ್ಷಣೆಯ ಅನುಭವದ ಕೇಂದ್ರ ಭಾಗವನ್ನಾಗಿ ರೂಪಿಸುತ್ತದೆ. ಪ್ರೇಕ್ಷಕರು ಭೇಟಿಯಾಗಲು, ಒಟ್ಟಾಗಿ ಆಹಾರ ಸೇವಿಸಲು, ವಿಶ್ರಾಂತಿ ಪಡೆಯಲು ಮತ್ತು ಸಮಯ ಕಳೆಯಲು ಅನುಕೂಲವಾಗುವಂತೆ ವಿನ್ಯಾಸಗೊಳಿಸಿರುವ ಈ ಪರಿಕಲ್ಪನೆಯು, ಚಿತ್ರಮಂದಿರ ಭೇಟಿಗೆ ಹೆಚ್ಚು ಸಾಮಾಜಿಕ ಮತ್ತು ಅನುಭವಾತ್ಮಕ ಆಯಾಮವನ್ನು ನೀಡಲಿದೆ. PVR INOX ಲಿಮಿಟೆಡ್‌ನ ವ್ಯವಸ್ಥಾಪಕ ನಿರ್ದೇಶಕರಾದ ಶ್ರೀ ಅಜಯ್ ಬಿಜ್ಲಿ ಅವರು ಮಾತನಾಡಿ, “ಬೆಂಗಳೂರು ಸದಾ PVR INOXಗೆ ಅತ್ಯಂತ ಪ್ರಮುಖ ಮಾರುಕಟ್ಟೆಯಾಗಿದೆ. ನಗರವು ನಿರಂತರವಾಗಿ ವಿಕಸಿಸುತ್ತಿರುವ ರೀತಿ, ಮನರಂಜನೆ ಮತ್ತು ಜೀವನಶೈಲಿ ಅನುಭವಗಳಿಗೆ ದೇಶದ ಅತ್ಯಂತ ರೋಮಾಂಚಕ ನಗರಗಳಲ್ಲಿ ಒಂದಾಗಿ ಬೆಂಗಳೂರನ್ನು ರೂಪಿಸಿದೆ. ವಿಶೇಷವಾಗಿ ವೈಟ್‌ಫೀಲ್ಡ್ ಪ್ರದೇಶವು ನಗರದ ಹೊಸ ಚೈತನ್ಯವನ್ನು ಪ್ರತಿಬಿಂಬಿಸುತ್ತದೆ. ಮಹತ್ವಾಕಾಂಕ್ಷಿ ವಸತಿ ಸಮುದಾಯಗಳು, ಉದ್ಯೋಗ ತಾಣಗಳು, ರಿಟೇಲ್ ಮತ್ತು ವಿರಾಮ ಸೌಲಭ್ಯಗಳು ಇಲ್ಲಿ ಒಂದೆಡೆ ಸೇರುತ್ತಿವೆ. ಬೆಂಗಳೂರಿನಲ್ಲಿನ ನಮ್ಮ 28ನೇ ಚಿತ್ರಮಂದಿರವು ಈ ಮಹತ್ವದ ಅಭಿವೃದ್ಧಿ ವಲಯದಲ್ಲಿ ನಮ್ಮ ಉಪಸ್ಥಿತಿಯನ್ನು ಬಲಪಡಿಸುವುದರ ಜೊತೆಗೆ, ಪ್ರೇಕ್ಷಕರಿಗೆ ಅವರ ಮನೆಯ ಸಮೀಪದಲ್ಲೇ ಉನ್ನತ ಗುಣಮಟ್ಟದ ಸಿನಿಮಾ ವೀಕ್ಷಣೆಯ ಅನುಭವವನ್ನು ಒದಗಿಸಲಿದೆ. ಸುಲಭವಾಗಿ ತಲುಪಬಹುದಾದ, ಸ್ಥಳೀಯ ಸಮುದಾಯಗಳಿಗೆ ಪ್ರಸ್ತುತವಾಗಿರುವ ಮತ್ತು ವಿಭಿನ್ನ ಅನುಭವವನ್ನು ನೀಡುವ ತಾಣಗಳನ್ನು ಸೃಷ್ಟಿಸುವುದರತ್ತ ನಾವು ಗಮನಹರಿಸುತ್ತಿದ್ದೇವೆ,” ಎಂದು ಹೇಳಿದರು. PVR INOX ಲಿಮಿಟೆಡ್‌ನ ಕಾರ್ಯನಿರ್ವಾಹಕ ನಿರ್ದೇಶಕರಾದ ಶ್ರೀ ಸಂಜೀವ್ ಕುಮಾರ್ ಬಿಜ್ಲಿ ಅವರು ಮಾತನಾಡಿ, “ಚಿತ್ರಮಂದಿರವೆಂದರೆ ಕೇವಲ ಸಿನಿಮಾ ನೋಡುವ ಸ್ಥಳವಲ್ಲ. ಜನರು ಒಂದೆಡೆ ಸೇರಲು, ಹೊಸ ಕಥೆಗಳನ್ನು ಅನ್ವೇಷಿಸಲು ಮತ್ತು ಹಂಚಿಕೊಂಡ ನೆನಪುಗಳನ್ನು ಸೃಷ್ಟಿಸಲು ಅವಕಾಶ ನೀಡುವ ತಾಣವಾಗಿದೆ. ಬ್ರಿಗೇಡ್ ಕಾರ್ನರ್‌ಸ್ಟೋನ್ ಯುಟೋಪಿಯಾದಲ್ಲಿ ಮನರಂಜನೆಯ ಈ ವಿಶಾಲ ಪರಿಕಲ್ಪನೆಯನ್ನು ಪ್ರತಿಬಿಂಬಿಸುವ ಚಿತ್ರಮಂದಿರವನ್ನು ನಾವು ವಿನ್ಯಾಸಗೊಳಿಸಿದ್ದೇವೆ. ಅತ್ಯಾಧುನಿಕ ಪ್ರೊಜೆಕ್ಷನ್ ಮತ್ತು ಧ್ವನಿ ತಂತ್ರಜ್ಞಾನದಿಂದ ಹಿಡಿದು ಪ್ರೀಮಿಯಂ ಆಸನ ವ್ಯವಸ್ಥೆ ಹಾಗೂ ನಮ್ಮ ಹೊಸ ಸಿನಿಮಾ ಫುಡ್ ಕೋರ್ಟ್ ಪರಿಕಲ್ಪನೆಯವರೆಗೆ, ಅನುಭವವನ್ನು ಹೆಚ್ಚು ಸುಗಮ, ಆರಾಮದಾಯಕ ಮತ್ತು ಆಕರ್ಷಕವಾಗಿಸುವ ಉದ್ದೇಶದಿಂದ ಪ್ರತಿಯೊಂದು ಅಂಶವನ್ನೂ ಸೂಕ್ಷ್ಮವಾಗಿ ರೂಪಿಸಲಾಗಿದೆ. ವರ್ತೂರು ರಸ್ತೆ–ವೈಟ್‌ಫೀಲ್ಡ್ ವಲಯದ ಜನಜೀವನದ ಸಹಜ ಭಾಗವಾಗಿ ಈ ಚಿತ್ರಮಂದಿರ ರೂಪುಗೊಳ್ಳುವುದನ್ನು ನಾವು ಎದುರು ನೋಡುತ್ತಿದ್ದೇವೆ,” ಎಂದು ಹೇಳಿದರು. ಈ ಹೊಸ ಆರಂಭವು ಹೆಚ್ಚಿನ ಬೆಳವಣಿಗೆ ಕಾಣುತ್ತಿರುವ ನಗರ ಮಾರುಕಟ್ಟೆಗಳು ಮತ್ತು ಸೂಕ್ಷ್ಮವಾಗಿ ಆಯ್ಕೆ ಮಾಡಲಾದ ಸ್ಥಳಗಳ ಮೇಲೆ PVR INOX ಹೊಂದಿರುವ ನಿರಂತರ ಗಮನವನ್ನು ಪ್ರತಿಬಿಂಬಿಸುತ್ತದೆ. ಪ್ರೇಕ್ಷಕರು ಹೆಚ್ಚು ಸಮಗ್ರ ಮತ್ತು ಆಕರ್ಷಕ ವಿರಾಮದ ಅನುಭವಗಳನ್ನು ಬಯಸುತ್ತಿರುವ ಹಿನ್ನೆಲೆಯಲ್ಲಿ, ತಂತ್ರಜ್ಞಾನ, ವಿನ್ಯಾಸ, ಆರಾಮ, ಆಹಾರ ಮತ್ತು ಆತಿಥ್ಯದ ಸಮತೋಲಿತ ಸಂಯೋಜನೆಯ ಮೂಲಕ ಸಂಸ್ಥೆಯು ಚಿತ್ರಮಂದಿರದ ಅನುಭವವನ್ನು ನಿರಂತರವಾಗಿ ಉನ್ನತೀಕರಿಸುತ್ತಿದೆ.