San Lucas 6, 1-5. Sábado 5 de septiembre 2026. Evangelio en Q'eqchi'.

Evangelio en Q'eqchi'. Sábado 5 de septiembre 2026. San Lucas 6, 1-5 Sa' jun li sábado, naq yo chi nume'k li Jesus sa'eb' li awimq, eb' li xtzolom ke'xch'ot ut ke'xk'ux ru li triiw, yookeb' chi xmuch'lenkil sa' ruq'eb'. Wankeb' aj Pariseey ke'xye: --K'a'ut naq nekeb'aanu li ink'a' naru xb'aanunkil sa' sábado? Kichaq'ok li Jesus ut kixye reheb': --Chi moko a'in eerilom sa' li Santil Hu, k'aru kixb'aanu laj David naq kitz'okaak a'an jo'wi' eb' li rochb'een, chanru naq ki'ok sa' rochoch li Yos, kixchap li mayejanb'il wa li maajun naru taawa'oq re, ka'ajwi' eb' laj tij, ut a'an kixtzeka ut kixk'e ajwi' reheb' li rochb'een? Kixye ajwi' reheb': --Li K'ajolb'ej a'an aj eechal re li sábado. Raatin li Qaawa'.