Min Dî Li Dinê Pur Ecêb. #kaside #kürtçe #kürtçemüzik

Min dî'l dinê da pur 'ecêb nayên hîsab û defterê, Yek jî ji wan dostan nema qet şubhetê dostê berê. Tê bêjî ev dostê'j' dil in maşaellah tev kakil in, Yek rûh in û dû şekil in te hew dî bûn l'şikra kere. Belkî ji wan ker çêtir e çunkî reben barhilgir e, Bi kû da bibin bê qîrqîr e ne wek va dest ser xencerê. Dostaniya j'dil bû xela hetta di nîv şêx û mela, Li 'aqila bûye bela hetta defin çin meqberê. Zû'j hev diçin dost û heval serhev didin ew erzûhal, Seb tiştikî pur bêkemal tu mêzekî li bin Hecerê. Nînin hekîm 'îş çê bikin nav alemê da bin sekin, Derd û bela derman bikin şewqê bidî wek fenere. Me'j rebbê xwe hêvî heye ku bêtin zû'l hana me ye, Hilnê evê'j nava me ye em bin birayê cegerê. Piştî eva qehr û kula derman bikin derd û bela, Geş bin bi hevra wek gula hetta biçîne mehşerê. Ey Seyd 'Elî nebî nebî tirsa te qet ji keskî hebî, Îmam Elî ceddê te bî girt destkî deryê Xeyberê. *Ji keşkula Hîlmî Koxî *Latînîzekirin: Qedrî Sipranî Çavkanî: Helbesta Kurdî