اعتادنا المشهد | ابراهيم فرج

الشاعر ابراهيم فرج - ibrahim farag ______________________ كلمات القصيدة : وانا كل ما احس اني اعتدت المشهد ينضربو صاروخ ف يفوقني .. عائلات اتبادت بالكامل وعيال اتيتمو بالجمله .. والعالم واقف بيتابع سهم البيبسي ف سوق العمله اوعو تبطلوا تحلموا بالاقصي اوعوا تبطلو تهتفوا خيبر خايبر .. دلوقتي العالم بقي بيبيع الموت كانزات جوه الهايبر عاملين خصم علي الانسان العشره بوجبة برجر من ماك والناس كلها بتدور علي ناس تانيين يلحقوا ف الناس وكأن مفيش ف العالم كله رجاله بشنبات غيرك يا ح.ـ.مـ. ا .ـس انا شوفت الراجل بترنج بيهجم ع الدبابه شايل علي كتفه ياسين ميه وخمسه وف عينه المـ. و ،ــت وف قلبه ايمان انا شوفت الموت يامّا لاول مره هو اللي يخاف من الانسان .. كام طفل بريء اتِـ.،ــ قتـ.،ــل امبارح والعالم لسه بيشجب ويدين العدوان ف الناحيه التانيه من العالم في واحد قاعد ع البريمير بيمنتچ فيديو استهداف امبارح وبيعمل موشن للسهم الاحمر علشان ينزل مظبوط عالجندي وبيطلع شخص مـ.،ــلـ.،.ـث.،ـم عاليوتيوب .. ومحدش يعرف شكله ومن كل الناس محبوب .. العالم كله بيعمله قلوب عنده قضيه ومؤمن بيها وبيدافع عنها من هنا لسنين قدام اللي بيحصل قدامك دلوقتي حقيقي ومش احلام اتنين مليون انسان قاعدين من غير شربة ميه حواليهم انهار تجري ولايفات تيك توك وخلق ف غفلة ليوم الدين وانا مش كل شوية هأكدلك ان الناس دي مكانوش ارقام كانو لحم ودم وبني ادمين وانا كل ما عدد الشهداء بيزيد مية بكتشف الوش التاني لتمثال الحرية احنا اتباعلنا هوا ف ازايز ومحدش قال لا مش عايز وفضلنا نحف نحف لحد ما ملينا المشهد واعتدناه شوف كام واحد طلع استنجد واحنا خزلناه بكره الاطفال دي هتكبر وهيكبر جواهم عزة نفس و اخد التار واحنا اللي هيكبر فينا العار لكن م النهر لحد البحر يا بلدي مهما يكلف دم ونار انا نفسي هشام الجخ يقول لامه انه بقي كبير واتمكن م الابحار ودي اول مره احس ان اللي بيحصل اكبر م الهتافات الاشعار .. انا عمري ما هنسي ولا هسامح وانا بس اكون صادق مع نفسي ومش عاوز حد يصدقني انا كل ما احس اني اعتدت المشهد هفتح صور الشهدا تفوقني .