ARCHITECT vs ENGINEERs ba Talaga?: Sino Ba Talaga ang Dapat Gumawa ng Bahay?

SINO BA TALAGA ANG BUILDER NG BAHAY? Architect ba? Engineer? Contractor? Foreman? O yung mismong mga skilled workers na humahawak ng martilyo, nagbubuhos ng konkreto at naglalagay ng bawat piraso ng bahay? Madalas kasi, kapag may bahay na itatayo, naghahanap tayo ng isang tao na parang kaya nang gawin ang lahat. Pero ang totoo, ang isang magandang bahay ay hindi produkto ng isang profession lamang. May Architect na nag-uugnay ng design, function at pangangailangan ng pamilya. May Structural Engineer na tumitiyak na kayang dalhin ng istruktura ang mga puwersang haharapin nito. May Electrical, Sanitary, Mechanical at Electronics Engineers na may kani-kaniyang mahalagang expertise. May Geodetic Engineer na tumutulong tiyakin kung saan eksaktong nakatayo ang proyekto. At mayroon ding Contractor, Project Manager, Foreman at skilled workers na nagsasalin ng lahat ng linya sa papel tungo sa aktuwal na bahay. Dahil kahit gaano kaganda ang plano, kung mali ang execution, magiging magandang drawing lamang iyon ng isang problemang naghihintay mangyari. At kahit gaano kagaling ang workers, kung kulang o hindi coordinated ang plano, mapipilitan silang manghula. At sa construction, mahal ang hula. Sa video na ito, pag-uusapan natin kung ano talaga ang papel ng bawat professional sa paggawa ng bahay—at kung bakit hindi dapat pinag-aagawan kung sino ang pinakamahalaga. Dahil sa isang matagumpay na construction project, hindi ito tungkol sa kung sino ang bida. Ang tunay na bida ay ang bahay na ligtas, maayos, komportable at ginawa para sa pamilyang titira rito. Isa na namang magandang araw para matuto. — Architect Ed #ArchitectEd #ArchitecturePhilippines #HouseConstruction #BuildPH #ArchitectPH #CivilEngineer #StructuralEngineer #ElectricalEngineer #SanitaryEngineer #MechanicalEngineer #ElectronicsEngineer #GeodeticEngineer #ContractorPH #ConstructionPhilippines #BuildingAHouse #HomeConstruction #DesignAndBuild #FilipinoArchitect