God se uitstal-venster (Oudio preek, 8 Feb. 2026) - Mat. 5:13–16

Matteus 5:13–16 herinner ons daaraan dat ons identiteit in Christus lei tot ’n nuwe roeping. Jesus sê nie: “Julle moet sout en lig wees” nie, maar: “Julle ís sout en lig.” In hierdie preek ontdek ons wat dit beteken om as gewone gelowiges – ook in ’n latere lewensfase – steeds deel te wees van God se herstelplan vir die wêreld. Sout en lig werk stil, maar onmiskenbaar. Só leef God se mense dat ander Hom kan raaksien. Leesroosterfokus: ’n Nuwe identiteit lei tot ’n nuwe roeping – om die goeie nuus te leef en te deel.