Boranını heç vaxt belə bişirməmisiniz: Sadə, dadlı və fərqli desert resepti

Boranlı Keksin hazırlanması: Boranının Hazırlanması: İlk olaraq balaca bir boranı kub şəklində doğranılır, qabıqları soyulur və sobada yumşalana qədər bişirilir. Birinci Qarışıq (Boranı əsası): Bişmiş boranı əzildikdən sonra üzərinə 2 kənd yumurtası, 1 stəkan şəkər tozu və yarım stəkan un əlavə olunaraq mikserlə tam həll oluna qədər qarışdırılır. İkinci Qarışıq (Şor əsası): Ayrı bir qabda bir az şor, 1 qaşıq xama, 2 yumurta, 1 stəkan şəkər tozu, 1 stəkan un, 1 paket şəkər vanil və 1 paket qabartma tozu əlavə edilərək mikserlə çalınır. Bişirilmə Qaydası: Əvvəlcədən yağlanmış qaba növbəli şəkildə hər iki qarışıqdan qaşıq-qaşıq əlavə olunur ki, maraqlı və gözəl görüntü alınsın. Əvvəlcədən qızdırılmış 170–180 dərəcə sobada təxminən yarım saat ərzində bişirilir (hazır olub-olmadığını çöp ilə yoxlamaq olar). Boranını sevməyənlərin də bəyənəcəyi bu dadlı resepti sınaqdan keçirməyi, fikirlərinizi bölüşməyi və abunə olmağı unutmayın!