Unutmadım (Cover duet 2026)

Gənclik çağımda qalan, Solmayan çiçək kimisən. İllər ötüb kecsə belə, Ürəyimdə tək kimisən. ​Ağarsa da saçlarımız, Gözlərimdə baxışındır. Ayrı düşən yollarımız Yuyulan iz yağışındır. ​Qismət beləymiş, nə edək, Sənsiz sönmüş ocağım var. Bu taleyə qarşı gedək İçimdə bir qucağım var. ​Sən də özgə ocaqdasan Bəlkə məni unutmusan. Mənim tənha ürəyimdə Əbədi məskən tutmusan. ​Gizli saxladım bu hissi, Gözümdən yaş axsa belə. Adın qəlbimin bəzəyi, Başqasına baxsan belə. ​Gəncliyimdən bu yaşıma Yol yoldaşım oldu sevgin Nə bitdi, nə uzaqlaşdı Gözlərimdə doldu sevgin Unutmadım, unutmaram, Gəncliyimin pak hissini. Qəlbimə həkk olub nəqşi Baxışınla, o səsini. ​İllər bizi qocaltsa da, Eşqim yenə gənc qalıbdır Məhbbətlə ucaltsa da Bu dəmindən kam alıbdır Bəzən elə darıxıram, Səsin gəlir uzaqlardan. Oğrun-oğrun hey baxıram Bizə qalan o yollardan. Baxışların kaman kimi Sancıb oxun ürəyimə Həlim səsin bir tar simi Düşür incə diləyimə Qəlbimdəki bu məbədin Eşqin ilə səcdə qılır Aşiqlərdə bu həsədin Ürəyinə sevgi salır ​Pəncərədən baxan zaman Gəlirsən hey xəyalıma Ağarmış bu saçlarımla Boylanarsan hey yoluma ​Biz seçmədik bu taleyi, Yazılanı yaşayırıq. Başqa-başqa ocaqda biz Səssiz həsrət daşıyırıq. ​İllər bizdən çox şey aldı, Gəncliyimiz köçdü getdi. Amma sənə olan sevgim Nə azaldı, nə də bitdi. Sözlər kanal sahibinə məxsusdur 2026