Ürək Darıxar (Cover Lyric 2026)

Ürək Darıxar Səninlə bu həyat daha gözəldir, Dünya varlığından sevgi əzəldir. Həsrətin ömrümə sanki xəzəldir, Budaqdan ayrılan yarpaq darıxar. Kirpiyin oxları vermədi aman ​Sənizlik günlərim qaranlıq zindan, Könül nalə çəkər, bezər bu candan, Gözü yolda qalan torpaq darıxar. ​Səninlə canlanar solğun çiçəklər, Sənsiz boşa çıxar bütün diləklər. Səni soraqlasam susar küləklər, Sükuta bürünən ocaq darıxar. ​Baxışın dənizdir, xəyalım gəmi, Unuda bilmədim belə bir qəmi? Ayrılıq yandırar bu incə dəmi, Bağdan ayrı düşən bağban darıxar. ​Gəlişin ömrümə bahar gətirər, Gedişin hər şeyi yıxıb bitirər. Mövsümlər ayları,ili itirər, Sənli günümüzdə çağ da darıxar ​Həsrətdən boynunu bükər bənövşə, Məhəbbət içində yanar həmişə. İntizar çevrilər böyük atəşə, Zirvəsi dumanlı dağ da darıxar. ​Dön gəl, bu hicranı bitir həyatdan, Silinsin kədərlər, qəmlər yaddaşdan. Gözlər həsrət qalsın, süzülən yaşdan, Səninlə açılan sabah darıxar. Gözlərim axtarır, hər tərəfdə sən, Bəlkə yollarıma bir də gələsən. İstərəm dərdimi tək sən biləsən, Nura həsrət qalan çıraq darıxar. ​Sənsiz gecələrin bitmir qarası, Sağalmaz ürəyin hicran yarası. Həsrətin könlümü bil ki, sarası, Sənə sarılmağa qollar darıxar. ​Adın pıçıltıdır dodaqlarımda, İzin addım-addım soraqlarımda. Alov tək yansan da uzaqlarımda, Yolunu gözləyən baxış darıxar. ​Könlümün sarayı sənsiz bomboşdur, Səninlə keçən an cənnət tək xoşdur. Ayrılıq qəlbimdə çırpınan quşdur, Səmanın bağrında bulud darıxar. ​Birləşsin yolumuz, bitsin bu həsrət, Bizi bir eyləsin sonsuz məhəbbət. Ürəklər xoş olsun, bitsin məşəqqət Çəməni gözləyən bahar darıxar. Sözlərin müəllifi kanal sahibidir 2026