Tabish Dehlvi recites his ghazal جب بھی کوئی قفس میں آتا ہے

تابش دہلوی اِک شرر ہر نفس میں آتا ہے سوزِ جاں کس کے بس میں آتا ہے وڈیو کے لیے شکریہ : راہ ٹی وی اِک شرر ہر نفس میں آتا ہے سوزِ جاں کس کے بس میں آتا ہے سر بسَر میں اسیر ہوتا ہُوں جب بھی کوئی قفس میں آتا ہے کار و انجامِ کار نامعلوم ! کون اِس پیش و پس میں آتا ہے ؟ سینکڑوں خواہشیں ہزار ارمان دل کہاں میرے بس میں آتا ہے سنگِ طفلی سے کچھ عجیب مزہ ثمرِ نیم رس میں آتا ہے اُن کا دامن مرا گریباں ہو جب کہیں دسترس میں آتا ہے رہروِ شوق معتبر ہی سہی وہ بھی کوئے ہوس میں آتا ہے دائمی روزِ وصل اے تابش دیکھیے کس برس میں آتا ہے تابش دہلوی