တိုင်းမှူးအပြောင်းအလဲနဲ့ မွန် - ကရင်နယ်စပ်တိုက်ပွဲများ

တိုင်းမှူးအပြောင်းအလဲနဲ့ မွန် - ကရင်နယ်စပ်တိုက်ပွဲများ ******* ကောင်းချစ်အောင် မတ် ၃၁၊ ၂၀၂၄။ ကရင်ပြည်နယ်နဲ့ မွန်ပြည်နယ်အစပ်မှာရှိတဲ့ ကော့ဘိန်းရွာရဲစခန်းကို တော်လှန် ရေးပူးပေါင်းတပ်ဖွဲ့တွေက မတ်လ ၂၅ ရက်မှာ တိုက်ခိုက်သိမ်းပိုက်လိုက်ပါတယ်။ ကရင်ပြည်နယ်ထဲကမြို့နယ်တွေဖြစ်တဲ့ ဖာပွန်၊ ကော့ကရိတ်နဲ့ မြဝတီမြို့နယ်တို့မှာ တိုက်ပွဲတွေပြင်းထန်နေချိန် ကရင်အမျိုးသားလွတ်မြောက်ရေးတပ် မတော် - KNLA၊ မွန်ပြည်သစ်ပါတီနဲ့ တခြားတော်လှန်ရေးတပ်ဖွဲ့တွေရဲ့ ထိုးစစ်က မွန်ပြည်နယ်ဘက်ခြမ်းအထိ ထိုးဖောက်ဝင်ရောက်လာနေပါတယ်။ အရှေ့တောင်တိုင်းစစ်ဌာနချုပ် - ရတခ နယ်မြေတွေမှာ စစ်ရေးမသာတော့တဲ့အတွက် တိုင်းမှူးနေရာကို မတ်လ ၁၄ ရက်မှာပဲ စစ်ကောင်စီက အပြောင်းအလဲပြုလုပ်ခဲ့ပါတယ်။ တိုင်းမှူးအသစ်ပြောင်းပေမယ့်လည်း စစ်ရေးအခြေအနေက ပိုပြီးကောင်းမွန်လာတာမျိုးမရှိခဲ့ဘဲ ပြီးခဲ့တဲ့ရက်ပိုင်းအတွင်း မြို့သိမ်း၊ စခန်းသိမ်းခံရတာမျိုးအထိ စစ်ကောင်စီရင်ဆိုင်နေရပါတယ်။ မွန် - ကရင်ထိစပ်နယ်မြေတွေမှာ စစ်ကောင်စီက ဘယ်လိုရှုံးနိမ့်နေသလဲ. . . . .? အရှေ့တောင်တိုင်းစစ်ဌာနချုပ်ရဲ့တိုင်းမှူးအသစ်က ဘယ်သူလဲ. . . . .? တိုင်းမှူးအသစ်ကြောင့် စစ်ရေးအခြေအနေပြောင်းလဲသွားလား. . . .? ကျိုက်မရောမြို့နယ်က ဓမ္မသရွာကို စစ်ကောင်စီက ဘာကြောင့် မီးလောင် တိုက်သွင်းနေတာလဲ. . . .? စတာတွေ ကို ဒီဗီဒီယိုဖိုင်မှာရှင်းပြထားပါတယ်။