DD News Mizoram - Chanchinthar | 19 February 2025 | 6:30 PM

6:30 Headlines: 1. Larsap General VK Singh chuan vawiin khan Mizoram Legislative Assembly Budget Session ni hmasa berah thu sawiin Bana Kaih Policiy in a tum ber pakhat chu Sorkar laipui hmathlir, Viksit Bharat tihhlawhtlin a ni, a ti. 2. Chief Minister Pu Lalduhoma'n vawiin khan Ainawn Venga Federation of Mizoram Goverment Employees & Workers-te bultuma sak mek Federation Enclave Sample Flat leh Community Centre chu a hawng. 3. Mizorama cham mek Union Minister of State Shoba Karandlaje chuan PM Modi kaihruai sorkar chuan kum 10 chhungin eirukna tel lovin ram a kaihruai tih a sawi. 4. Chief Minister Pu Lalduhoma hoin Non-Government Hospital Association of Mizoram (NGHAM) member-te'n CM Office-ah Mizoram Health Care Scheme thar tur duan mek vawiin khan an thlirho. 5. Revenue Minister Pu B. Lalchhanzova’n vawiin khan Directorate of Land Revenue & Settlement Conference Hall-ah e-ram hmanga empanelled surveyor detailment go-live hun a hmanpui. 6. MNYF Hqrs Vice President Pu Lalnunmawia Pautu leh General Secretary-te chuan vawiin khan MPSC tlawhin Mizoram sorkarin MPSC a thuam chak tawk lo tih an hmuhchhuah thu an tarlang. 7. Aizawl Traffic SP Pu Stephen Lalrinawma'n lirthei khalh laia mobile phone hman chu dan kalh a nih thu sawiin, phone hman paha lirthei khalh an awm leh awm loh an thlithlai uluk zual tawh dawn tih a sawi. 8. The Salvation Army, South Asia Zone International Secretary-te nupa Commissioner John Kumar Dasari leh Commissioner Mani Kumar Dasari-te chuan Territorial Review nei turin India Eastern Territory an rawn tlawh. 9. Mizoram High School Leaving Certificate (HSLC) Examination chu vawiin atang khan tan a ni. 10. Sorkarlaipuiin state 5 hnena khuarel chhiatna thlenga tanpuina belhchhahna tur cheng vbc 1,554 a pawm. 11. Prime Minister Narendra Modi an Assam-a Inland Waterways Terminal thar hawn a ni chu lawmawm a tih thu a sawi. 12. Prime Minister Narendra Modi leh Qatar Emir Sheikh Tamim bin Hamad Al Thani te inkawm chuan India leh Gulf ramte inlaichinna a tih ngheh lehzual beisei a ni. 13. Union Minister Jitendra Singh an India rama Open-Air Art Wall Museum hmasa ber New Delhi, Mausam Bhawan-ah a hawng. 14. President Droupadi Murmu chuan India leh Qatar in sumdawnna, pawisa peipun leh hriselna kawngah thawhdunna nghet tak an neih thu a sawi. 15. Chief Election Commissioner thar Gyanesh Kumar chuan vawiin atangin a office thar a luah. Follow DD Mizoram:   / ddnewsmizoram     / ddnews_mizoram     / ddnewsmizoram