JABETZA ETA ERABILERA MUGAK | Limitadoa

www.hamaika.eus | Arruazutik Otxandiora: Sakana behera, Arabako lautadan gora eta Ulibarri Ganboako urtegiaren ondotik. Bidean bi aldiz zeharkatzen da probintzien arteko muga administratiboa, eta ia inon ez dago kartelik: mendian ez da ikusten, paperean bai. Urtegiaren ertzean, urpean geratu ziren herrien gainean, abizenak ere mapa direla gogorarazten du Aritzek —nondik gatozen esaten dute, eta batzuetan norekin egon ginen ere bai—. Nafarroako Erresuma estatu independente gisa desagertu zen, baina haren egiturak ez ziren egun batetik bestera ezabatu: foruak, komunalak, larreen erabilera, mugaz gaindiko harremanak. Horren aztarna bizia da Limitadoa, erabiltzen duena eta jabea gauza bera ez diren mendia. Belen Bengoetxea, EHko irakaslea, jabetzaren eta erabileraren arteko aldeaz, eta gaur baimenek, araudiek eta hiru administraziok baldintzatzen duten joan-etorriaz: artzainena, antzinatik naturaltasunez egiten zena.