Өзбекстанда жалаң кыргыздар жашаган айылдын турмушу

Өзбекстандын Риштан районунун Жайылма айылында 90 пайызга жакын кыргыздар жашайт. Айылдын тургуну Токтосун Буркашевдин айтымында, элетте кыргыздын каада-салт, үрп-адаты сакталып келе жатат.  «Кыргызстанда каада-салт кандай болсо бизде да ошондой. Бирок кыз алууда калың Кыргызстандагыдай 300-400 миң сом эмес. Биздин өзбек акчасына 20 млн сум. Бул кыргыз акчасына 170 миң сомду түзүп калат. Калганы Кыргызстанда кандай болсо ошондой», - деди ал.  Элеттиктер негизинен багбанчылык менен алектенет. Бул айылдагы кыргыздардын көпчүлүгү нойгут уруусунан болуп, түпкү ата-теги, Баткен, Айдаркен тарапта.