هوامير المواقف | كلمات: فالح ابوعضيده | اداء: محمد ال نجم

عطني يمينك ياشعاع الصبح وانهض بختصار ابطيت وعيوني تبي شوفك ولا تبغى الكرى مع كل مطلع صبح ياخذني شعور الانتصار ما كني الا كاسبٍ من خيرة الوضح عشرا والسر كله في البياض اللي مخالطه الحمار لابان قبل الشمس ما تطلع على وجه الثرى ماتستضيق وتدري انه ضاع من عمرك نهار الا ليا منك رقدت وقمت من عشر وورى النار والدله وصوت الطير لنزاح الستار تبري جروح قلوب وتحرك هواجيس شعرا عذراً ياشعار الخليج اليعربي في كل دار فاض الطريق من الزحام ولا قدرت امسك سرى امشي بسرعه واتجاوز من يمين ومن يسار طرقي ولاحقني صلف والليل ثلثه قد سرى عندي يقين ان السرى يجرح بسيف الانتظار ويرجعك عن وقتك الموقوت خطوه للورى ياعالم امشوا في مناكب الارض واسعوا في الديار واليا حصل للطيب فرصه ماتبي شور شورا وان ضاعت الفرصه من اللي معه قوه واقتدار ودك تحذفه في البحور الزرق وعيونه ترى والله لو ان عندي صلاحيه لسوي له مسار نفس المسار اللي يروح يمين قبل ام القرى فعيوني ان اللي قضى معظم حياته في شهار اصحى من اللي لا جلس بين الرياجيل انفرا الرجل مهما ينكسر مايعترف بالانكسار يصبر على جرحه ويستبسل ليل من برى عان الذهب يصهر ويرفع مستواه الانصهار ويدبل الارباح للي باع في السوق وشرى ماتصلح بيوت المديح الا على شباب نار مثل الطياح اللي ما يظهر زوده الا في المَرَى والشاعر ان ماشاف مايحمد تراجع واستخار واليا لقى مايطلق لسانه تقدم واجترا بغيت اصوغ اغلى المدايح فالجبال وفالبحار واصغت على صنيتان وصنيتان رداد البرى قولوا له ان مدحك يزيد الشعر تمجيد ووقار ويورد الشاعر على اللي ماحدٍ عنها درى درسك ابوك محمد وبدعت يوم الاختبار واخذت الاول فالتصدي للمهمات جهرا انت الخيال اللي ثعوله تكسي البيدا خَضَار منتب خيال ترزم رعوده وسيله ماجرى ياصلك ابو حالٍ من الدنيا على وشك انهيار ويروح من عندك ونسبة حالته وسم اومرا تقضى على يدك اصعب الحاجات في سر وجهار واقول هذي ميزة اكرم شخص مابين الورى لَدت عيونك في الامور المعضله مثل القرار اللي بماجوبه طلع سيدين مع طلعة كرى يامشتكي من ما جرا لك يوم صلف الوقت جار مافيه داعي تسرد علومك وتشرح ما جرى اليا اسرفت فيك الظروف وصرت في وضع اختيار خل الجبل وازبن على صنيتان وابشر بالذرى مانيب اكذب من يقول ان ظلعٍ فيه غار لكن ترى ماكل غار يقارن بثور وحرا امن اسمه الاول ليا بو ثنين والمبنى عمار عرشه ينافس له عروش ملوك وعروش وزرا مواقف الاحفاد بالافعال تنحت في الجدار ماتنكتب في اللوح وتلصق على الجدر بغراء لا تشمت اللي ماقرى سيرة طويلين العمار والله ماخبر ان العما قد خذ له كتاب وقرا لا صاح صياح الضحى لعيون زاهية الخمار قاموا مقام يرفع الرايات في يوم المرى ياحي عين الفزعه اللي في المهمات الكبار فيها تبختر وضحاً معدَّاه وعجلة مغرا راياتنا ياسبيع تكفخ مثل جنحان الحرار والمجد يستانس بطارينا ليا منه طرى حنا هوامير المواقف ياهوامير العقار حنا بنوك الطيب كله يابنوك سويسرا والله وبالله ماتطيح سهوم الامجاد الكبار مادام باقي واحدٍ منا على سطح الثرى فالح ابوعضيده