過咗四十歲嘅你，係咪已經撐得好攰？｜阿德勒：擁有甘於平凡的勇氣，做返個普通人仲舒服

【堅持 100% 真人真聲廣東話講書】 每日 8 分鐘，同自己個腦充下電。 大家好，我係書豪，歡迎嚟到《8分鐘一本書》。 ​你有冇試過喺某個收工嘅夜晚，鎖匙啱啱插落鎖匙窿嗰一秒，隻手突然間停咗喺度？ 唞一大口氣，推開門，除低對鞋，嗰一聲不由自主嘅長嘆，好似想將大半世嘅攰一次過呼出嚟咁。 ​步入中年，男人好多時唔係捱唔住，而係死撐得太耐。我哋不知不覺將自己活成一個悲劇英雄：喺客廳偷偷嘆氣、喺車場熄咗匙發呆、借啲意匿入廁所玩手機避世，甚至喺大牌檔同班兄弟飲住啤酒，搞一場鬥慘嘅「全港鬥慘大賽」。 ​奧地利心理學家阿德勒（Alfred Adler）喺名著《What Life Could Mean to You》（自卑與超越）入面，一早睇穿咗男人呢種心魔： ​🔹 自卑與優越感：點解我哋會不知不覺用「自己最辛苦、為頭家犧牲最多」嘅委屈感，去換取屋企入面嘅優越感同免死金牌？（即係阿德勒講嘅「比慘上位法」） 🔹 課題分離神技：中年男人嘅清醒，在於識得分清八字真言「關你鬼事、關我鬼事」，唔好再搶住幫全世界執情緒垃圾。 🔹 接納平凡嘅勇氣：除低嗰件沉重、甩曬色嘅超人披肩，承認自己只係嗰幾百萬個逼屯馬綫、食兩餸飯嘅普通人。呢個唔係認輸，而係真正放過自己嘅開始。 ​滿頭白髮同個肚腩，其實只係上半場為屋企打仗留低嘅戰績。今晚推開家門，先放鬆緊繃嘅面容，安安心心食餐熱飯；聽朝挺直腰板，做返個自在嘅普通人。 ​⏳ 影片時間軸： 00:00 門口前嗰啖長嘆：男人四十嘅無聲疲累 01:14 禮拜日客廳「暗戰」：全家人都喺各自死頂 02:01 168、凍水涼、驗身報告：洗唔走嘅中年焦慮 02:58 兄弟大牌檔飯局：「全港鬥慘大賽」 04:01 比慘上位法：用委屈感換取家庭優越感 05:13 匿喺車同廁所避世？男人攰嘅「金鐘罩」 06:11 第一招當頭棒喝：認咗佢，條路係自己揀嘅 06:43 課題分離神技：八字真言「關你鬼事、關我鬼事」 08:37 快手做齊三樣嘢：中年男人必學嘅減壓小事 09:44 接納平凡：做返個普通人，先係真正嘅底氣 10:35 結語：卸低包袱，今晚安安心心食餐飯 ​☕️ 如果今集講中你心聲，或者幫到你慳返自己去慢慢刨書嘅時間，歡迎隨心請我飲杯咖啡。大家嘅心意會全數用嚟幫補下買 e-book 嘅基金，亦都係撐我繼續堅持真人原聲講書嘅最大動力： 👉 https://buymeacoffee.com/8minbook ​💬 中年心事： 平時返到屋企門口除鞋嗰一刻，你心入面最想放低嘅包袱到底係咩？歡迎喺留言區同我分享下，等大家一齊分擔。如果覺得今集幫到手，記得撳個 Like 同 Subscribe 支持吓！ ​📚 本集參考書籍： Alfred Adler《What Life Could Mean to You》（中譯：《自卑與超越》） ​#8分鐘一本書 #廣東話書評 #廣東話說書 #阿德勒 #自卑與超越 #中年危機 #心理學 #自我成長 #情緒管理 #香港男人心聲