«Ճգնաժամ եկեղեցում». Կառավարության հրապարակած զեկույցը Մայր Աթոռը հակասահմանադրական է որակում

Հրապարակվել է Հայաստանյայց Առաքելական Սուրբ Եկեղեցում առաջացած ճգնաժամի և լուծման ուղիների մասին զեկույցը: Այն կազմվել է վարչապետ Նիկոլ Փաշինյանի հանձնարարությամբ, ով անցած տարվանից փորձում է գահից հեռացնել Առաքելական եկեղեցու հովվապետին՝ Գարեգին երկրորդին ներկայացնելով մի շարք լուրջ մեղադրանքներ: Նյու Յորքից այս թեմային անդրադարձել է վարչապետ Նիկոլ Փաշինյանը՝ հայտարարելով, թե զեկույցն ապացուցում է, որ եկեղեցին բռնազավթված է Կտրիճ Ներսիսյանի և նրան աջակցող մի խումբ հոգևոր և աշխարհիկ անձանց կողմից: Մայր Աթոռ Սուրբ Էջմիածինը հայտարարում է, որ «Կառավարության կողմից հրապարակված Հայաստանյայց Առաքելական Սուրբ Եկեղեցու մասին այսպես կոչված զեկույցն իր բովանդակության և ձևի մեջ հակասահմանադրական է, հակականոնական և անօրինական»։ «Պետական միջոցների մսխմամբ՝ սոցցանցերում և լրատվամիջոցներում հրապարակված մեղադրանքների ու հերյուրանքների հիման վրա շարադրված «զեկույցը» դրսևորումն է քաղաքական հաշվեհարդարի, քինախնդրության և Եկեղեցու ներքին կյանքին դատապարտելի միջամտության», - պնդում է Մայր Աթոռը: Մեր ուղիղ հեռարձակումները դիտեք այստեղ՝ http://tv.azatutyun.am #ազատություն #լուրեր 🔶 Facebook – http://bit.ly/3cauM2T 🔶 Youtube – http://bit.ly/2UNf47I 🔶 Instagram – http://bit.ly/3c3eiJt 🔶 Twitter – http://bit.ly/2yF0OW1 🔶 Telegram – http://bit.ly/2yzVAL8